COVID-19 variante foun Omicron. Imajen/Espesiál.

DILI, 18 dezembru 2021 (TATOLI)—Reprezentante Organizasaun Mundial Saúde (OMS) iha Timor-Leste, Arvind Mathur, hateten variante Omicron dezenvolve an lalais liu ba ema atu hetan moras tanba kompara ho variante Delta ne’e, Omicrona da’et hosi ema ida ba ema seluk ne’e lalais.

“Variante Omicron ida-ne’e dezenvolve an ba ema ho lalais liu tanba ne’e halai liu ba transbilidade virus ne’e atu da’et ba ema seluk. Entaun ida-ne’e bazea ba evidénsia ne’ebé mak mosu iha nasaun Afrika do súl hatudu katak variante Omicron kompara ho variante Delta tanba nia da’et husi ema ida ba ema seluk ne’e lalais,” Reprezentante Organizasaun Mundial Saúde ne’e hateten ba Agência Tatoli iha nia knaar fatin, Caicoli, Dili, sesta ne’e.

Tuir evidéncia ne’ebé mak Organizasaun Mundiál Saúde haree katak iha Afrika do Súl, iha variante Delta iha ninia daet ne’e kiik maibé agora daudaun ida-ne’ebé da’et lais liu mak variante Omicron maibé sei iha estudu nia laran.

Tanba, nia informa, seidauk hatene nasaun balun ne’e iha imunidade oinsá no Omicron atu transmite da’et ne’e oinsá entaun ida-ne’e sei iha prosesu estudu nia laran para hatene se haree imunidade mak fraku mak variante ne’e transmite ba ema lalais.

‘’Ho ida ne’e, ita kompara variante Delta ho Omicron nia dezenvolve an entaun iha Omicron ita haree da’et lalais entaun to’o agora iha nasaun 77 mak relata ona variante Omicron no iha rejiaun Sudueste Aziatiku iha nasaun lima mak relata ona variante Omicron ne’e da’et,” nia dehan.

Entaun, bazea ba prespetiva teste mak Timor-Leste iha teste PCR no antigen hosi teste rua bele deteta ona variante Omicron.

Depois atu hetan risku infesaun mak tuir dadus ne’ebé mak iha agora daudaun iha Afrika do Súl hateten variente Omicron iha posibidade aas ba ema atu hetan re-infesaun hanesan ema-ne’ebé mak hetan ona moras durante ne’e bele hetan fila-fali moras Omicron ne’e rasik.

“Entaun OMS nia prespetiva daudaun ne’e mak dadus ba variante Omicron todan. Ita seidauk hatene moras ne’e grave ka kmaan tanba tuir informasaun ne’ebé mak iha daudaun aprezenta hosi Afrika do Súl ne’e kuaze kmaan maibé ita presiza tan informasaun barak no dadus barak para ita hatene. Tanba, ida-ne’e ita sei hatene semana tuir mai tan ba variante ne’e halo ema todan ka kmaan,” nia informa.

Nia husu ba Timor oan sira nafatin halo maneira prevensaun hodi fase liman ho sabaun, uza máskara, distansiamentu sosiál no nafatin hakbesik an ba fasilidade saúde hodi simu vasina, medida ida-ne’e mak efetivu ba variante hotu-hotu no maneira prevenaun seluk mak halo nafatin kampaña vasinasaun.

Iha tinan 2022, OMS nafatin ajuda Ministériu Saúde hodi apoiu servisu sira-ne’e hotu liu-liu iha situasaun COVID-19 nian no halo ICU ba iha ospitál referál lima hanesan Maubisse, Covalima, Maliana, Baucau no RAEOA, no espera katak iha tinan 2022 fasilidade hirak ne’e bele funsiona hodi halo atendimentu iha munisípiu.

Jornalista : Felicidade Ximenes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here