Kandidatu Prezidente Repúblika 2022-2027 ho númeru sorteiu 10, Antero Bendito. Imajen Antonio Goncalves

DILI, 03 janeiru 2022 (TATOLI)-  Kandidatu Prezidente Repúblika Independente 2022-2027, Antero Bendito da Silva, rejista ona iha Tribunál Rekursu hodi konkore iha Eleisaun Prezidensiál iha marsu ne’e.

“Ohin ita lori ita nian Kamarada Maubere Kandidatura Prezidente Repúblika 2022-2027 Independente, Antero Bendito da Silva mai Tribunál Rekursu atu rejista. Ita rejista ona no hatama ona dokumentu hotu tuir rekezitu hosi Tribunál. Maibé  desizaun tomak  Tribunál mak deside,” Portavós ekipa susesu, Fernando Ximenes ba jornalista sira iha Tribunál Rekursu, Caicoli,  kinta ne’e.

Notísia relevante: Kandidatu Lere rejista ofisialmente iha Tribunál Rekursu

Nia dehan, Kandidatu Prezidente Repúblika  Independete Antero Bendito da Silva hetan apoiante 6.700  no  apoiante sira ne’e barak liu mai hosi munisipiu Dili.

“Ho apoiu ida ne’e ami garantia sei hakat ba oin. Katuas sira seluk ne’e tane liman, sira balun ne’e husu bensaun,   mas  ami fiar ba ami nian forsa rasik, hosi maubere sira toos nain,  estudante, juventude  tanba ema ne’e apoia ami kandidatura ne’e kuaze toos nain no estudante de’it, tanba ne’e ami nia kandidatura sei manan iha eleisaun,” hateten Fernado Ximenes.

Notísia relevante: Kandidatu Virgílio Guterres no Constáncio Pinto rejista iha Tribunál Rekursu

Jornalista: Natalino Costa

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here