Kandidatu Prezidente Repúblika, Francisco Guterres Lú Olo. Imajen António Goncalves

DILI, 31 janeiru 2022 (TATOLI)— Atuál Prezidente Repúblika, Francisco Guterres “Lú-Olo” rejista ona iha Tribunál Rekursu, atu re-kandidata an ba Prezidente Repúblika 2022 to’o 2027, hodi kompete ba Eleisaun Prezidensiál, ne’ebé sei realiza iha loron 19 marsu tinan ne’e.

Portavós ekipa susesu, Fernando Gusmao, ko’alia ba jornalista sira hafoin ba rejista kandidatura Prezidente Repúblika 2022-2027, Francisco Guterres Lú-Olo iha Tribunál Rekursu.Imajen TATOLI/António ‘Dasiparu’

“Ami hosi ekipa Francisco Guterres Lú-Olo  mai rejista ona ninian kandidatura iha Tribunál Rekursu no hosi Tribunál  hateten dokumentu ne’ebé ami aprezenta tuir ona rekezitu lei Eleisaun Prezidente Repúblika nian. Ho nune’e Prezidente Repúiblika Francisco Guterres Lú-Olo re-kandidata-an hodi kompete iha Eleisaun Prezidensiál,” Portavóz Ekipa Susesu Kandidatura Prezidente Republika, Fernando Dias Gumão, iha Tribunál Rekursu-Caicoli, segunda ne’e.

Notísia relevante: PDRT deside kandidata Anacleto Bento kompete Eleisaun Prezidensiál 2022-2027

Dokumentu ne’ebé ekipa susesu aprezenta ba Tribunál Rekursu mak karta aseitasaun kandidatu  nian, karta reprezentante kandidatu nian, lista asinatura hosi apoiante no  eleitorál hosi hosi munisípiu 12 inklui Rejiaun Administrativa Espesiál Oé-Cusse no Amebon (RAEOA) nain-9.000.

“Totàl apoiante ka eleitór hamutuk 125.000, maibé ohin ami aprezenta de’it 9.000 atu fasilita Tribunál halo verifikasaun ho lalais liu dokumentu ka kartaun eleitorál sira ne’e,” Portavóz Fermado Gusmão akresenta.

Nia dehan, ho apoiante ne’e nuudar forsa polítika ba kandidatu Prezidente Repúblika Lú-Olo ne’ebé sente konfiavél liu atu kompete iha eleisaun, maibé atu garante manán ne’e mai hosi povu.

“Lú -Olo atu manán maioria primeira ronde ne’e povu maka garante tanba garantia mai hosi povu. Ami garantia apoiante hosi partidu FRETILIN ne’e sei la fahe ba rua la fahe, maibé sei fó votu ba Lú-olo no la ba Tenente Jenerál Lere Anan Timur,” nia garante.

Notísia Relevante: Kandidatu Ramos Horta rejista ona iha Tribunál Rekursu

Jornalista : Natalino Costa.

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here