Jogadór Sentru Juveníl ka’er hela tasa rotativa iha abertura ba kompetisaun nasionál jogu futeból juveníl 2021, imajen/média SEJD

DILI, 31 janeiru 2022 (TATOLI)– Asosiasaun Futsál Timor-Leste (AFTL), liuhosi Responsavel ba Rejistrasaun no Téknika Administrasaun, Tereza Cecilia Baptista Xavier, informa daudaun ne’e iha ona klube-ualu mak rejista atu partisipa iha tasa juveníl futsál U-14, ne’ebé sei realiza iha tempu badak.

“Ami loke oportunidade ne’e ba klube 24 ne’ebé antes ne’e partisipa iha Pra Liga Futsal nian, maibé agora iha de’it klubu-ualu mak mai rejista, hela klubu 16 mak seidauk mai halo rejistrasaun, maski rejistrasaun hahú 16 janeiru no ramata ohin (31/01), maibé klubu seluk seidauk mai rejistu hotu,” Responsavél Tereza Cecilia hateten ba Agência TATOLI iha edifísiu AFTL Xanana Sport Centre Dili, segunda ne’e.

Nune’e, nia dehan daudaun sei kontinua loke oportunidade ba klube 16 atubele rejista, hafoin hahú jogu taxa juveníl ne’e.

“Sé sira (klube 16) ne’e la mai mak ita loke fali ba públiku atu klubu se mak hakarak mai rejista hodi halo kompleta klubu 24. Ami simu ne’e ba juveníl ho idade 13 atu ba 14, sé idade 14 ami sei la simu,” nia afirma.

Rejistrasaun ne’e AFTL loke iha loron 18 to’o 31 janeiru 2022 ho nia kritéria mak kada klubu tenke lori jogadór sira nia sertidaun RDTL ou baptizmu no osan hamutuk $100 hosi osan ne’e $75 ba rejistrasaun no $25 hatama ba konta klube nian.

Klube Ualu ne’ebé rejista ona mak hanesan, São Francisco, Becusse United FC, Ramelau FC, M-VDL FC, Boa-sorte FC, FIEL FC, B’TAL FC no Crazy Hourse FC.

Entretantu, klube hirak ne’ebé seidauk rezistu mak hanesan, Boavista FC Timor, Santa Cruz FC, Maudoko FC, Mushila FC no seluk tan.

Notísia relevante:  Semana oin, AFTL hahú rejista klube hodi kompete tasa junevíl U-14

Jornalista : Hortencio Sanchez

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here