Sekretariu Jeral Asosiasaun Futsal Timor -Leste (AFTL) Fernando Baptista Xavier. Imajen/Espesiál

DILI, 14 janeiru 2022 (TATOLI)- Sekretáriu Jerál Asosiasaun Futsál Timor-Leste (AFTL), Fernando Baptista Xavier, informa hahú segunda (16/01) loke ona rejistrasaun ba klube primeira no segunda divizaun ne’ebé hamahan-an iha asosiasaun ne’e atubele partisipa kompetisaun iha tasa AFTL U-14.

“Semana oin, ita hahú ona rejista klube hotu iha AFTL iha primeira no segunda divizaun ba ekipa juveníl U-14 atu partisipa iha tasa ne’ebé realiza fevereiru,” Sekjer Fernando, hateten ba Agência TATOLI iha resintu Federasaun Futeból Timor -Leste (FFTL)- Bairru Formoza, sesta ne’e.

Notísia relevante: SEJD-FFTL asina akordu dezenvolve futeból Juvenil

Nune’e, kada klube sei rejista nia jogador hamutuk 16 no kada klube sei hatama osan resjitrasaun hamutuk $75.00, hosi osan ne’e $25.00 hanesan garantia iha konta AFTL nian.

Nia dehan, jogu ne’e hala’o tanba hetan apoia másimu hosi FFTL.

“Agora buat hotu la’o loos ona, ita hetan apoia osan atu hala’o atividade ne’e hosi FFTL, maibé semana oin ezekutivu sira tuur hamutuk mak deside ona montante orsamentu,” nia akresenta.

Klube sira ne’ebé iha direitu absoluta partisipa iha jogu ne’e hanesan, iha primeira divizaun Ramelau FC, Mushila FC, Mauputar FC, Boa Sorte FC, São Francisco FC, Caesardante FC, Becusse United FC, AD Samoro FC, Gamer FC no Jerman FC.

Enkuantu, segunda divizaun mak hanesan, Coelho FC, M-VDL Lahane FC, Santa Crus FC, Maudoko FC, Bermeta FC, Boavista FC Timor, Crazy Horse FC, Kuda Ulun FC, FIEL FC, Estrela Baguia, Baucau All Star, B’Tal FC, Kablaki FC no Academica FC.

Tuir oráriu jogu sei hala’o fevereiru no AFTL sei utiliza kampu multifunsaun Bebora no Bidau iha jardin B. J. Habibie Dili.

Notísia relevante: Ramelau FC kampiaun iha Pra-Liga Futsal Timor-Leste

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here