Funsionáriu Palásiu Prezidensia simu vasina Boster Pfizer hosi pesoál saúde sira, segunda (17/1/2022). Imajen TATOLI/Antonio ‘Dasiparu’ Gonçalves.

DILI, 30 janeiru 2022 (TATOLI)—Governu liuhosi Ministériu Saúde (MS), domingu (30/01) ne’e relata kazu detetadu pozitivu foun na’in-29, rekuperadu laiha no ativu na’in-72.

Notísia Relevante: COVID-19: kazu detetadu pozitivu 15 no ativu na’in-32   

“Kazu detetadu foun ohin 29, rekuperadu laiha no ativu na’in-72,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi Komunikadu Imprensa ne’ebé Agência Tatoli asesu, domingu ne’e.

Hosi kazu foun hirak ne’e, sura hahú hosi 22 marsu 2020 to’o 30 janeiru 2022, iha kumulativu kazu konfirmadu hamutuk ona 19.937 no óbitu na’in-122.

Hosi horisehik no loron ohin (domingu, 30 janeiru 2022), Laboratóriu Nasionál Saúde halo teste 278 PCR iha Díli, kompostu hosi vijilánsia sentinela 0, rastreiu ba kontaktu (Contact tracing) 27, rastreiu aleatóriu (Random Screening) 42, viajen internasionál 209 no follow up iha kuarentena 0.

Nune’e totál teste PCR ne’ebé halo horisehik (sábadu, 29 janeiru), iha Munisípiu sira seluk, Rejiaun Administrativu Espesiál Oé-Cusse Ambeno (RAEOA) no Hospitál Nasionál Guido Valadares (HNGV) hamutuk 48 ne’ebé kompostu hosi Baucau 0, Ermera 0, Maliana neen (6), Maubisse 0, RAEOA 0, Suai 10, Viqueque 0, Lospalos 0, HNGV 32 no Vera Cruz 0.

Populasaun elijivél tinan 18 ba leten, ne’ebé simu ona vasina to’o ohin dadeer tuku 10h00, tuir Sistema Informasaun Sáude iha Ministériu Saúde, hanesan kumulativu doze dahuluk iha Díli 87.9% no kumulativu doze daruak iha Díli 82.2%.

Ho nune’e, sidadaun iha territóriu nasionál ne’ebé simu ona vasina doze dahuluk iha Timor-Leste 84.1% no simu ona doze daruak hamutuk 70.8%.

Hosi insidénsia COVID-19 iha Timor-Leste, durante loron hitu (7) ikus mak 0,7/100 mil abitante.

Iha 30 janeiru 2022, iha izolamentu Vera Crúz, Lahane, HNGV no fatin seluk iha territóriu laran tomak halo tratamentu ospitalizadu ba kazu detetadu pozitivu lima (5) no iha semana kotuk 23 janeiru, kompostu hosi moderadu 0 no Leve na’in-lima (5).

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here