Médiku ida halo hela vasina doze datoluk Pfizer Booster ba funsionáriu sira iha Ministériu Saúde. Iha salaun Ministériu Saúde, tersa (04/01). Imajen Tatoli/Francisco Sony

DILI, 27 janeiru   2022 (TATOLI)— Ministériu Saúde (MS), kinta (27/01), relata kazu detetadu pozitivu foun na’in-15, rekuperadu  laiha no kazu ativu na’in-32.

”Kazu detetadu foun ohin 15, rekuperadu laiha no ativu na’in-32,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu sesta ne’e.

Nune’e, hahú 21 marsu 2020 to’o 16 novembru 2021 iha kumulativu kazu konfirmadu 19.894 no óbitu na’in-122.

Husi horiseik mai ohin, loron 27 janeiru 2022, Laboratóriu Nasionál Saúde halo teste 254 PCR iha Dili, kompostu hosi vijilánsia sentinela laiha, rastreiu ba kontaktu 28, rastreiu aleatóriu 88, viajen internasionál na’in-135 no follow up iha kuarentena na’in-3.

Alende ne’e, totál teste teste PCR ne’ebé halo  iha  loron 26 janeiru, iha Munisipiu sira seluk, Rejiaun Espesiál Oé-cusse no Ambeno (RAEOA) no  Hospitál Nasionál Guido Valadares (HNGV) hamutuk 101, kompostu Baucau sia, Ermera laiha, Maliana 10, Maubisse na’in-tolu, RAEOA na’in-neen, Suai 11, Viqueque laiha, Lautém laiha no HNGV 62.

Populasaun elijível tinan 18 ba leten, ne’ebé simu ona vasina to’o iha loron 16 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili 87,8%) no kumulativu 2ª doze iha Dili (82,1%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,1% no simu ona doze daruak 70,6%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron 27 janeiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba ema na’in-tolu, kompostu moderadu laiha no kaman na’in-tolu.

Notísia relevante: COVID-19: kazu pozitivu ualu no ativu na’in-17

Jornalista : Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here