Logo Sekretaria Estadu Juventude no Desportu (SEJD)

DILI, 27 janeiru 2022 (TATOLI) – Governu liuhosi Sektretáriu Estadu Juventude no Desportu (SEJD) hamutuk ho Konfederasaun Desportiva Timor-Leste (CDTL-sigla Portugés) no Komite Olímpiku Nasionál Timor-Leste (CONTL-sigla Portugés) kontinua diskute preparasaun Timor- Leste nian ba partisipa iha jogu Sea Games 2022, ne’ebé sei hala’o iha nasaun Vietname.

Biban ne’e, Diretora Alta Kompetisaun iha SEJD, Maria Luiza Monteiro, hateten enkontru ne’ebé parte tolu hala’o hodi ko’alia liu oinsá mak CDTL no CONTL prepara ona atu lori atleta sira ba partisipa iha eventu internasionál ne’e.

“Ohin, ita ko’alia ho parte rua CDTL no CONTL kona-ba saida mak sira halo ona no prepara ona federasaun hamutuk-ualu ne’ebé sei ba tuir iha eventu Sea Games maiu mai ne’e,” Diretora ne’e hateten ba Agência TATOLI iha edifisiu SEJD-Lecidere, kinta ne’e.

Notísia relevante:FTTL prepara atleta na’in-hitu bá kompete iha SEA Games

SEJD apoia orsamentu hamutuk $81.000, ne’ebé transfere ona ba konta CDTL nian hodi aloka ba kada federasaun hodi prepara sira nia atleta atu ba tuir kompetisaun ne’e.

Iha fatin hanesan, Prezidente CDTL, Macario Sanches, hateten, reuniaun ne’ebé parte tolu hala’o oinsá atu haree liuba preparasaun tékniku ba atleta sira atu ba tuir jogu ne’e.

“Ohin, ami ko’alia liu oinsá ita nia preparasaun ba federasaun hirak ne’ebé naran iha ona ne’e atu ba partisipa, ita ko’alia liu mak oinsá ekipamentu sira ne’ebé atleta sira atu utiliza bainhira tuir jogu no ekipamentu hotu oinsá bele lori atleta sira bele ba partisipa ho seguru,” Prezidente ne’e akresenta.

Alende ekipamentu, parte tolu ko’alia mós oinsá dezlokasaun atleta sira nian hosi Timor -Leste ba Vietname tanba daudaun ne’e Timor-Leste hasoru hela problema aviaun ne’ebé semana ida ou rua semo dala ida.

Iha eventu internasionál ne’e, Timor-Leste sei partisipa ho nia modalidade-ualu mak hanesan, Atletizmu, Karate-do, Natasaun, Futeból, Voleból Praia, Sky, Taekwondo no Boxe, hosi totál modalidade ne’e sei reprezenta hosi atleta na’in-44. Enkuantu tuir oráriu ne’ebé iha jogu Sea Games sei hahú loron 12 to’o 24 maiu tinan ne’e.

Notísia relevante:Alteta timór-oan hosi modalidade hitu prepara kompete iha Sea Games

Jornalista: Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here