Pesoál médiku sira kontinua halo atendementu vasina Pfizer Covid-19 ba estudante sira iha sentru saúde Comoro. Imajen TATOLI/Antonio Dasiparu

DILI, 26  janeiru 2022  (TATOLI)—Ministériu Saúde relata, ohin, kazu detetadu foun ualu, rekuperadu ida no kazu ativu na’in-17.

”Kazu detetadu foun ohin  ualu, rekuperadu ida no  ativu 17,” Diretora Jerál Prestasaun Saúde iha Ministériu Saúde,  Odete da Silva Viegas , hateten liuhosi nota ne’ebé Agência TATOLI asesu  kuarta  ne’e.

Nune’e, hahú 21 marsu 2020 to’o 26 janeiru 2022  iha kumulativu kazu konfirmadu 19.879 no óbitu 122.

Hosi horisehik mai ohin, Laboratóriu Nasionál Saúde halo teste PCR 229, kompostu vijilánsia sentinela laiha, rastreiu ba kontaku 13, rastreiu aleatóriu 98, viájen internasionál 118,  follow up iha kuarentena laiha.

Alende ne’e, totál teste PCR ne’ebé halo iha  25  janeiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 87, hanesan Maubisse laiha , Maliana 14, Viqueque laiha, Suai 16, Baucau lima, Ermera laiha, RAEOA tolu, HNGV 49, Lautém laiha, Vera-Cruz laiha.

Populasaun elijível tinan 18 ba leten, ne’ebé simu ona vasina to’o iha loron 26 janeiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,8%) no kumulativu 2ª doze iha Dili (82,1%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,0% no simu ona doze daruak 70,5%.

Hosi insidénsia COVID-19 iha Timor-Leste, durante loron hitu ikus maka 0,5/100 mil abitante.

Iha loron  26 janeiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha , moderadu la iha, no kaman la iha.

Notísia Relevante: COVID-19: kazu pozitivu foun rua no ativu na’in-10

Jornalista: Felicidade Ximenes

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here