Prezidente Komisaun B (Negósiu Estranjeiru, Defeza no Seguransa), José Agostinho Sequeira ‘Somotxo’, Imajen/Dok.Tatoli

DILI, 25 janeiru 2022 (TATOLI)—Prezidente Komisaun B ne’ebé trata asuntu Negósiu Estranjeiru, Defeza no Seguransa, José Agostinho Sequeira ‘Somotxo’, husu ba Komando Jerál no Ministéiru Interiór atu halo investigasaun kle’an ba pesoál membru Unidade Polísia Marítima (UPM) ne’ebé deskonfia envolve iha kazu baku mate Júlio Amaral iha Covalima.

Notísia Relevante: PNTL detein membru UPM na’in-neen deskonfia baku mate Júlio Amarál

“Presiza halo investigasaun kle’an didi’ak hodi hatene loos membru UPM na’in-neen (6) ne’ebé deskonfia envolve iha kazu omesídiu ne’e,” Deputadu Somotxo hateten iha Parlamentu Nasionál, tersa ne’e.

Maibé nia dúvida ho akontesimentu ne’e tanbasá mak polísia mosu fali iha madrugada, tan ne’e komisaun sei hein investigasaun mak bele hatene.

Tanba membru seguransa mak involve iha krime, entaun Parlamentu Nasionál nia preokupasaun mak Komando Jerál no Ministéiru Interiór tenke halo investigasaun profunda ba kazu refere.

Bainhira rezultadu hatudu membru laiha razaun ligadu ba autoridade seguransa interna ninian ho sira-nia hakarak prátika krime duni, mak sei hetan sansaun dxsiplinár todan bele sai hosi instituisaun.

Entertantu, kazu ne’e akontese iha loron domingu (23 janieru 2022), iha tuku 03h30 matrugada ka iha dadeersan nakukun.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here