Prosesu korresaun pontu ezame admisaun asesu UNTL no IPB, iha salaun MESSK, Colmera, tersa (25/01). Imajen TATOLI/Egas Cristóvão

DILI, 25 janeiru 2022 (TATOLI)–Komisaun Asesu Engeresu Ensinu Superiór (KAEES) realiza ona korresaun pontu ezame admisaun hosi aplikante na’in-5.422, ne’ebé partisipa iha territóriu toak atu asesu ba Universidade Nasionál Timor-Lorosa’e (UNTL) no Institutu Politékniku Betano (IPB).

Diretór Jerál Ensinu Superior no Prezidente KAEES, Maria Filomena Lay Guterres. Imajen TATOLI/Egas Cristóvão

Diretór Jerál Ensinu Superior no Prezidente KAEES, Maria Filomena Lay Guterres, relata, bazeia ba dadus rejime espesiál ne’ebé ministériu simu hamutuk 6.066, maibé kandidatu tuir ezame na’in-5.422.

“Kuaze estudante 100-resin maka la tuir ezame tanba situasaun ou la rona informasaun, karik moras mak halo sira ne’e la partisipa iha ezame admisaun ne’e,” Prezidente KAEES hateten, iha salaun enkontru MESSK, Colmera, tersa ne’e.

Notísia relevante: MESSK iha ona mákina korresaun pontu ezame admisaun asesu UNTL-IPB

Daudaun ne’e tama ona iha abertura korresaun pontu ezame, ne’ebé iha tempu ne’e, mákina mak sei serbisu.

“Ha’u labele garante korresaun pontu ezame ne’e hotu bainhira, tanba ema barak mak tuir ezame hosi Timór laran tomak,” nia akresenta.

Hosi dadus rejime espesiál ho kategoria ba rejime oportunidade iha kandidatu na’in-4.179, rejime hakbiit 1.024, veteranu nia oan iha na’in-831, idade 23 iha na’in-20, estranjeiru sia no eskola internasionál ida.

Aleinde ne’e, totál dadus anteriór ne’ebé KAEES rekolla hosi Munisípiu sira maka hanesan Aileu 133, Ainaro 242, Baucau 431, Bobonaro 199, Covalima 134, Dili 1.127, Ermera 249, Lautém 180, Liquiçá 202, Manatuto 125, Manufahi 141, Oé-cusse 188 no Viqueque 192.

“Iha rejime seluk ne’ebé la ezije teste, kabe ba membru FALINTIL- Forsa Defeza Timor-Leste (F-FDTL), Polísia Nasionál Timor-Leste (PNTL), desportiva inklui alta kualidade tanba sira tama iha rejime espesiál,” nia dehan.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

1 KOMENTÁRIU

  1. Ba naran Sira nbe MaK horbainhira prenche ona Formulário né bainhira los Mak atu Taka sai Naran Sira ne hodi Nune Ita hatene Ida nebee MK Liu no Ida nebe Mak la liu

HAKEREK NO HATÁN

Please enter your comment!
Please enter your name here