Ministru Ensinu Superiór Siénsia no Kultura, Longuinhos dos Santos. Imajen TATOLI/Francisco Sony

DILI, 05 janeiru 2022 (TATOLI)—Ministériu Ensinu Superiór Siénsia no Kultura (MESSK) daudaun ne’e iha ona mákina rasik atu halo korresaun ba pontu ezame admisaun asesu ba Universidade Nasionál Timor-Lorosa’e (UNTL) no Institutu Politékniku Betano (IPB).

Antes ne’e, bainhira atu halo korresaun ba pontu ezame, MESSK uza mákina hosi Ministériu Edukasaun Juventude no Desportu (MEJD).

“Ita iha ona mákina rasik ne’ebé preparadu ona halo korresaun ba pontu ezame hosi kandidatu 6.087,” Ministru dehan iha Palásiu Governu, kuarta ne’e.

Maski nune’e, kooperasaun entre ministériu rua ne’e kontinua la’o nafatin tanba iha serbisu impresaun no seluk tan ne’ebé presiza iha kolaborasaun.

Iha sorin seluk, Diretór Jerál Ensinu Superior no Prezidente Komisaun Asesu Engeresu Ensinu Superiór (KAEES), Maria Filomena Lay Guterres, relata, bazeia ba dadus, kandidatu rejime oportunidade iha 4.179, veteranu nia ona iha 831, bolsa hakbiit 1.024, idade 23 iha 20, estranjeiru iha sia no eskola internasionál iha ida.

Notísia relevante: KAEES loke ona inskrisaun rejime espesiál ba estudante iha territóriu nasionál

Nune’e mós, hosi munisípiu ne’ebé ninia kandidatu sira partisipa ona iha ezame admisaun, kompostu hosi munisípiu Aileu 133, Ainaro 242, Baucau 431, Bobonaro 199, Covalima 134, Dili 1.127, Ermera 249, Lautém 180, Liquiçá 204, Manatuto 125, Manufahi 141, Oé-cuss 188 no Viqueque 192.

Prosesu korresaun to’o agora seidauk realiza tanba MESSK sei hein tékniku hosi MEJD ne’ebé halo hela korresaun ba pontu ezame nasionál.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here