Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno. Imajen Tatoli/Egas Cristovão

DILI, 25 janeiru 2022 (TATOLI)— Governu liuhosi Ministériu Negosiu Estranjeiru no Kooperasaun (MNEK), esforsu hela realiza eleisaun prezidensiál iha Austrália, maski pandemia global afeta seidauk hala’o resensiamentu eleitorál ba timór-oan sira iha nasaun refere.

Ministra Negosiu Estranjeiru no Kooperasaun (MNEK), Adaljiza Albertina Xavier Reis Magno, hateten, Timoroan iha Austrália mak seidauk halo resensiamentu eleitorál, maibé MNEK hahú kontaktu hela ho Embaixada iha ne’ebá atu ko’alia ho Governu Austrália, nune’e bele realiza eleisaun prezidensiál.

“Eleisaun prezidensiál ita bele halo iha ne’ebá, maibé ne’e depende ba ema nia sistema se autoriza ita hala’o, ami kontaktu hela ho Embaixada Timor iha ne’ebá, maibé ita hein hela loron hira tan sira fó informasaun mai ita,” Ministra Adaljiza hateten iha palasiu Prezidensia, Bairru-Pité, tersa ne’e.

Notísia relevante:  STAE sei estabelese sentru votasaun sia iha diáspora 

Nune’e, Governante ne’e dehan resensiamentu eleitorál ne’ebé hala’o iha diaspora la’o di’ak liuliu iha Portugál no Inglaterra.

“Resensiamentu-sira la’o di’ak hela tanba sidadaun barak mak ba troka sira nia eleitorál barak liu Inglaterra kuaze rihun resin ona mak ba troka sira nia kartaun eleitorál tuir dadus ne’ebé ha’u simu hosi ita nia konsuladu iha ne’ebá,” nia akresenta

Entretantu, Diretór Jerál Sekretariadu Tékniku Adminsitrasaun Eleitorál (STAE), Acilino Manuel Branco, hateten tanba pendemia COVID-19 ne’ebé iha posibilidade sei lahalo eleisaun iha Austrália, maibé STAE sei estabelese sentru votasaun sia iha diáspora inklui iha Austrália.

Bainhira to’o iha tempu mak dehan laiha posibilidade hanesan situasaun COVID-19 mak la halo eleisaun iha Austrália, entaun sentru votasaun tolu iha Austrália sei reforsa iha Reinu Unidu no Korea do Súl tanba tuir númeru eleitór sira-ne’ebé mak iha Reinu Unidu ne’e kuaze rihun 200-resin.

Tuir nia, tanba sentru votasaun sia entaun ema-na’in sia mak sei responsabiliza kada sentru votasaun no sentru votasaun ida iha estasaun 10, entaun kada estaun ida iha ema na’in-10 no totál hamutuk 90.

Enkuantu, totál sentru votasaun iha territóriu nasionál inklui ho diáspora hamutuk 1.200.

Dadus resensiamentu eleitorál ba eleitór sira iha diaspora liu-liu iha Austrália hamutuk 1.489, Korea do Súl 1.262, Irlandia 1.251, Portugál 762 no Reinu Unidu hamutuk 2.236.

Dadus provizóriu resensiamentu eleitorál no atualizasaun baze de dadus to’o novembru 2021 eleitór hamutuk 857.487 ne’ebé kompostu hosi Munisípiu Aileu 33.727, Ainaro 44.571, Baucau 95.142, Bobonaro iha 69,822, Covalima 47.935, Dili 190.750, Ermera 82.931, Lautém 48.297, Liquiça 50.965, Manatuto 35.422, Manufahi 40.308, Rejiaun Administrativa Espesiál Oé-Cusse Ambeno (RAEOA) 51.005 no munisípiu Viqueque hamutuk 59.612. 

Notísia relevante:  12 fevereiru, STAE sei transposrta materiál eleisaun ba diáspora

Jornalista : Jornalista: Hortencio Sanchez

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here