Pesoál médiku sira kontinua halo atendementu vasina Pfizer Covid-19 ba estudante sira iha sentru saúde Comoro. Imajen TATOLI/Antonio Dasiparu

DILI, 22 janeiru 2022 (TATOLI)— Ministériu Saúde (MS) relata, ohin, kazu detetadu pozitivu foun laiha, rekuperadu  laiha no kazu ativu na’in-13.

”Kazu detetadu foun ohin laiha, rekuperadu laiha no ativu na’in-13,” Diretora Jerál Prestasaun Saúde iha Ministériu Saúde, Odete da Silva Viegas, hateten liuhosi nota ne’ebé Agência TATOLI asesu, sábadu ne’e.

Nune’e, hahú 21 marsu 2020 to’o 20 janeiru 2022 iha kumulativu kazu konfirmadu 19.866 no óbitu 122.

Hosi horisehik mai ohin, Laboratóriu Nasionál Saúde halo teste PCR tolu, kompostu vijilánsia sentinela laiha, rastreiu ba kontaku laiha, rastreiu aleatóriu rua, viájen internasionál 56, follow up iha kuarentena ida.

Alende ne’e, totál teste PCR ne’ebé halo iha 21 janeiru 2022   iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 52, hanesan Maubisse laiha, Maliana neen, Viqueque laiha, Suai hitu, Baucau laiha Ermera laiha, RAEOA haat, HNGV 35 Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 19 janeiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili 87,7% no kumulativu 2ª doze iha Dili 81,9%.

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,0% no simu ona doze daruak ,70,3%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron 22 janeiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha,moderadu laiha no kaman laiha.

Notísia Relevante: MS kontinua diskute planu detalladu ba vasina kontra COVID-19

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here