Vasina Pfizer Covid-19.Imajen TATOLI/Antonio Dasiparu

DILI, 19  janeiru 2022  (TATOLI)— Ministériu Saúde  relata, ohin,  kazu detetadu foun  rua, rekuperadu  laiha no kazu ativu 15.

”Kazu detetadu foun ohin ida, rekuperadu laiha no  ativu 15,” Diretora Jerál Prestasaun Saúde iha Ministériu Saúde,  Odete da Silva Viegas, hateten liuhosi nota ne’ebé Agência TATOLI asesu kuarta ne’e.

Nune’e, hahú 21 marsu 2020 to’o 18 janeiru 2022  iha kumulativu kazu konfirmadu 19.866 no óbitu 122.

Hosi horisehik mai ohin, Laboratóriu Nasionál Saúde halo teste PCR 60, kompostu vijilánsia sentinela rua, rastreiu ba kontaku lima, rastreiu aleatóriu 21, viájen internasionál 32,  follow up iha kuarentena la iha.

Alende ne’e, totál teste PCR ne’ebé halo iha  18  janeiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 84, hanesan Maubisse laiha , Maliana 12, Viqueque laiha, Suai tolu, Baucau laiha, Ermera la iha, RAEOA ida, HNGV 68 Lautém la iha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 19 janeiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,7%) no kumulativu 2ª doze iha Dili (81,8%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 83,9% no simu ona doze daruak 70,0%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante,

Iha loron  19 janeiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha, moderadu laiha no kaman la iha.

Notísia Relevante:COVID-19: kazu detetadu pozitivu rua no ativu na’in-14

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here