Funsionáriu Palasiu Prezidensiál bainhira simu vasina booster hosi pesoál médiku sira, segunda, 17/1/2022. imajen TATOLI/Antonio Dasiparu

DILI, 18  janeiru 2022  (TATOLI)—Ministériu Saúde relata, ohin,  kazu detetadu pozitivu foun  rua, rekuperadu  laiha no kazu ativu 14.

”Kazu detetadu foun ohin, na’in-rua, rekuperadu  laiha no  ativu na’in-14,” Diretora Jerál Prestasaun Saúde iha Ministériu Saúde, Odete da Silva Viegas, hateten liuhosi nota ne’ebé Agência TATOLI asesu tersa ne’e.

Nune’e, hahú 21 marsu 2020 to’o 18 janeiru 2022  iha kumulativu kazu konfirmadu 19.865 no óbitu 122.

Hosi horisehik mai ohin, Laboratóriu Nasionál Saúde halo teste PCR 49, kompostu vijilánsia sentinela rua, rastreiu ba kontaku laiha, rastreiu aleatóriu 15, viájen internasionál 29,  follow up iha kuarentena tolu.

Alende ne’e, totál teste PCR ne’ebé halo iha  17  janeiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 75, hanesan Maubisse laiha, Maliana 12, Viqueque laiha, Suai 11 , Baucau laiha, Ermera laiha, RAEOA laiha, HNGV 52, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 18 janeiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili  atinje 87,7% no kumulativu 2ª doze iha Dili 81,7%.

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 83,8% no simu ona doze daruak 69,9%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron  18 janeiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha, moderadu laiha no kamaan laiha.

Notísia Relevante: COVID-19: kazu rekuperadu na’in-14 no ativu 12

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here