Foos hosi armazen CLN. Imajen TATOLI/Egas Cristóvão

DILI, 06 janeiru 2022 (TATOLI)—Sentru Lojíztika Nasionál (CLN, sigla portugés) halo ona akizisaun foos tonelada 5.000 hosi Tailándia, ne’ebé tuir planu sei to’o Timor-Leste iha fevereiru 2022.

“Fulan-fevereiru nia-rohan ka inísiu marsu 2022, foos tonelada 5.000 ne’ebé ita sosa ho montante milliaun $4 resin sei to’o Timor-Leste,” Prezidente CLN, Jervájio Cardoso de Jesus da Silva, hateten ba Agência TATOLI, iha ninia knaar fatin, Bebora, kinta ne’e.

Notísia relevante: CLN planeia halo akizisaun foos tonelada 5.000 hosi Tailándia

Foos ne’e sei uza hanesan alternativa karik akontese situasaun difísil ruma, tanba daudaun ne’e hare kulit iha armazen Maliana no Natarbora sei sufisiente tanba iha tonelada 535.

“Ho hare kulit ne’ebé iha, ami garante katak bainhira akontese situasaun difísil ruma ami bele dulas lalais tanba ita iha mákina dulas hare, loron ida bele dulas to’o tonelada ualu,” nia akresenta.

Antes ne’e, iha tinan jullu 2020, Governu Timor-Leste halo akizisaun foos tonelada 30.000 ho kustu millaun $15, hosi vietname, ne’ebé inisiativa ne’e tama iha pakote sosiu-ekonómiku hodi rezerva iha situasaun emerjénsia no garante stock nasionál atubele kompensa bainhira foos menus durante surtu COVID-19.

Jornalista : Arminda Fonseca

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here