Diretór Ezekutivu SERVE, Florêncio Sanches. Imajen TATOLI/Jogerjo Guterres

DILI, 05 janeiru 2022 (TATOLI)—Servisu Rejistu Verifikasaun Emprezariál, Institutu Públiku (SERVE, I.P) rejista empreza foun hamutuk 4.200 durante tinan 2021 nia-laran.

“Tinan ida-ne’e mós ita konsege taka empreza kiik hamutuk 71 tanba iha problema COVID-19 no polítika Governu kria Cesta Bázika, ne’ebé programa ne’e eleva tebes ita-nia emprezáriu sira iha territóriu tomak ne’ebé hakarak kompete, entaun sira taka kompañia tanba hakarak mai altera no renova, entaun alterasaun no renovasaun mak boot tebes,” Diretór Ezekutivu SERVE, I.P, Florêncio Sanches, informa ba Agência TATOLI, kuarta ne’e.

Notísia relevante: Hafoin estadu emerjénsia, SERVE rejista empreza 35.360

Hosi empreza ne’ebé rejista, maioria nasionál no empreza ualu de’it mak internasionál, nune’e empreza ne’ebé rejista hahú hosi tinan 2013 to’o agora hamutuk 35.800.

“Aplikasaun rejistu emprezariál maioria hosi email,” nia akresenta.

Empreza 4.200 ne’ebé rejistadu, kompostu hosi individuál (ENIN), Sosiedade Unipesoál Por Quotas Limitadas (Unipesoál Lda), Sosiedade Anónima (S.A), no Reprezentasaun Permanente ba internasionál sira.

Jornalista : Arminda Fonseca

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here