Prezidente INSS, Longuinhos Armando Leite. Imajen TATOLI/Egas Cristóvão

DILI, 04 janeiru 2022 (TATOLI)—Prezidente Institutu Nasionál Seguransa Sosiál (INSS), Longuinhos Armando Leite, hateten iha fulan-fevereiru INSS sei konklui pagamentu ba entidade empregadór no fakultativu sira.

Notísia Relevante: INSS halo ona pagamentu ba entidade empregadór-fakultativu 8.632

“To’o agora INSS halo ona pagamentu ba traballadór hamutuk 15.775, ba empregadór sira mak 1.239, empregadór ba eletrisidade nian mak hamutuk 658 empreza ne’ebé mak ita selu hotu ona subsídiu ba sira. Renda nian, ita selu ona hamutuk 256 entidade empregadór, dispensa kontributivu 463 empreza depois despensa kontributivu fakultativu nian 8.887, no fakultativu rasik 8.887,” Prezidente INSS ne’e informa ba Agência TATOLI, iha nia knar fatin Caicoli, Dili, tersa ne’e.

Nia hatutan, osan ne’ebé mak INSS selu ona ba empregadór sira hamutuk $9,782,083.03.

Daudaun ne’e, Banku Nasionál Komérsiu Timor-Leste (BNCTL, sigla portugés) kontinua selu hela no garente katak iha fulan-fevereiru nia-laran bele konklui ona.

“Entre janeiru ka fevereiru nia-laran ita bele konklui ona no restu ita haruka fali ba Ministériu Finansa depois hein osan ne’ebé mak Konsellu Ministru aprova ona ne’e, transfere mai konta INSS mak ita kontinua fali pagamentu ne’e. Maibé ha’u dehan iha jeneiru ka fevereiru tinan ne’e bele selu hotu ona,” nia dehan.

Pagamentu tarde uitoan tanba ninia problema mak traballadór barak nia konta bankaria mate entaun banku rezeita tiha, maibé bainhira traballadór mai iha INSS mak foin prosesu fila-fali no konsege selu hotu ona.

Jornalista : Osória Marques

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here