Embaixadór Indonesia iha Timor-Leste, Okto Dorinus. Imajen/Egas Cristovão

LIQUIÇA, 31 dezembru 2021 (TATOLI)—Governu Indonézia liuhosi Embaixadór Indonézia foun iha Timor-Leste, Okto Dorinus Manik, informa nia parte sei esforsu hodi buka tuir Saudozu Nicolau Lobatu nia ruin.

Notísia Relevante: Governu hein resposta hosi Indonézia kona-ba saudozu Nicolau Lobato nia ruin  

“Ita buka ona, maibé to’o agora seida’uk iha informasaun maibé ami sei haree ba oin saida mak ami bele halo. Tanba ne’e, ita sei esforsu buka Nicolau Lobato nia ruin ida ne’e la fasil, maibé importante ita esforsu,” Okto Dorinus Manik hateten ba Agência Tatoli, iha Salaun Sentru Nasionál Empregu no Formasaun Profesionál (CNEFP), Tibar, Liquiça, kuarta ne’e.

Tuir nia, informasaun kona-bá Nicolau Lobatu nia ruin sempre husu, maibé nia parte sei haree asuntu ne’e hodi servisu hamutuk ho Governu Timor-Leste ba oin.

Maibé, nia dehan, nia parte sei fó prioridade ba asuntu progresu ekonomia no dezenvolvimentu iha Timor-Leste, nune’e kona-ba asuntu Nicolau Lobato nia ruin ne’e, nia parte sei koordena fila-fali ho Governu sentrál iha Jakarta/

“Agora ami fokus liu ba progresu ekonomia no dezenvolvimentu iha Timor-Leste atu nune’e povu iha Timor-Leste bele ba oin hanesan ho nasaun sira seluk. Nune’e la signifika ami la preokupa, maibe ami sei esforsu hodi buka dalan ne’ebé di’ak,” nia dehan.

Nicolau Lobato: Esforsu Indonézia kona ba restu mortál Nicolau Lobato

Jornalista : Nelia Fernandes

Editór       : Cancio Ximenes

PUBLISIDADEiklan

1 KOMENTÁRIU

  1. Esforsu-esforsu fali Saida???
    Dalaruma iha hela imi Nia matan laran MOS imi sei buka tan???maksud..??? Hau la fiar Wiranto la hatene? Hau MOS la fiar Prabowo Lahatene??? Hau la fiar mos SBY lahatene???

HAKEREK NO HATÁN

Please enter your comment!
Please enter your name here