Saudozu Prezidente Repúblika Nicolau dos Reis Lobato kaer hela toa iha liman no atuál Prezidente CNRT, Xanana Gusmão, kaer kamera hamriik iha sorin karuk. Imajen/Esepsiál.

DILI, 13 dezembru (TATOLI)— Ministra Negosiu Estrajeiru no Kooperasaun (MNEK), Adaljiza Magno, hateten, Governu Timor-Leste esforsu buka-tuir saudozu Prezidente Repúblika, Nicolau dos Reis Lobato nian ruin, maibé seidauk iha resposta pozitivu hosi Governu Indonézia.

“Parte Governu Timor-Leste kontinua esforsu, maibé parte Indonézia maka seidauk deside fó informasaun konkretu mai ita, ne’ebé ita hein de’it Governu Indonézia,” Ministra Adaljiza Magno, informa ba jornalista, hafoin ramata akompaña Xefe Estadu Francisco Guterres Lú- Olo, simu karta kredensiál hosi Embaixadór Indonézia mai Timor-Leste, Okto Dorinus Manik iha Palásiu Prezidensiál, Bairru-Pité, segunda ne’e.

Notísia Relevante: Veteranu sira husu Governu buka-tuir PR Nicolau Lobato nia ruin

Veteranu sira husu Governu tenke kontinua buka-tuir saudozu Prezidente Repúblika Nicolau dos Reis Lobato nian ruin tanba to’o agora seidauk anúnsia saudozu nia restu mortál nia paradeiru ba públiku.

Nune’e, Ministra Adaljiza Magno afirma, la’ós Governu Timor-Leste maka lakohi esforsu, maibé Indonézia maka seidauk deside vontade atu buka-tuir saudozu nia restu mortál.

Governante ne’e dehan parte MNEK sempre esforsu ko’alia ho Governu Indonézia kona -ba kestaun buka-tuir saudozu nia restu moral liuhosi polítika diplomatika, maibé seidauk iha resposta hosi parte Indonézia.

“La’ós ita maka la esforsu, maibé Governu Indonézia maka seidauk fó informsaun konkretu, ne’ebé parte ita nian hein de’it,” nia akresenta.

Notísia Relevante: Governu iha dever buka-tuir PR Nicolau Lobato nia ruin

Jornalista : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here