Kondisaun estrada dirasaun Beduku ne’ebé hetan estragu tanba inundasaun ne’ebé akontese iha loron 04 abríl. Imajen TATOLI/António Gonçalves

DILI, 30 dezembru 2021 (TATOLI)–Ministériu Obra Públika (MOP) identifika estragu sira durante dezastre naturál iha loron 04 abríl 2021 hamutuk 117 iha teritóriu laran tomak.

“Estragu sira ne’e kompostu hosi estragu simples 40 no estragu komplexu 77,” refere nota ne’ebé Agência TATOLI asesu, kinta ne’e.

Servisu emerjénsia ne’ebé tama nível kompleta ona ka atinje 100%,  toma konta hosi empreza 37, ne’ebé projetu ualu deside halo serbisu normalizasaun voluntariamente, enkuantu seluk ho pagamentu no daudaun finaliza ona.

Notísia relevante: Progresu levantamentu dadus estragu infraestrutura públiku tama faze datoluk

Servisu emerjénsia nível rua hamutuk ualu, balun kompleta, balun ein progresu no seluk iha faze preparasaun.

Estrada Kampung Alor kompleta 100%, ne’ebé projetu haat ninia prosesu iha Ajénsia Dezenvolvimentu Nasionál (ADN), ida Ponte Becusse iha prosesu preparasaun, ida Cantilever Ponte CPLP tama ona konkursu no ida Ponte Loes tama iha Unidade Jestaun Projetu (PMU, sigla inglés).

Servisu emerjénsia nível tolu hamutuk 17 iha faze investigasaun no preparasaun dezeñu, projetu rua haruka ona ba ADN, ne’ebé projetu 15 mak verifika ona no submete ba Konsellu Administrasaun Fundu Infraestrutura (KAFI), no servisu emerjénsia nível haat sei iha faze planeamentu.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here