TDD. Imajen Tatoli /Dok

DILI, 29 dezembru 2021 (TATOLI)- Tribunál Distritál Dili (TDD), kuarta ne’e (29/12), kontinua hala’o julgamentu ba kazu furtu agravadu ne’ebé komete hosi eis Prezidente Parlamentu Nasionál (PPN), Aderito Hugo da Costa, kona-ba deskonfia dada ahi-ilegál iha tinan 2016.

Iha julgamentu kontinuasaun ne’e, sasin IM ne’ebé momentu ne’ebá nuudar Tékniku Eletricidade de Timor-Leste (EDTL), ne’ebé hala’o inspesaun ba ligasaun eletrisidade ilegál iha área Palapasu, hodi deteta   kuaje uma lima ou neen, inklui uma  atuál Deputadu CNRT, arguidu Aderito Hugo da Costa  nian.

“Ha’u hetan autorizasaun iha momentu ne’eba hosi uma-na’in, Ha’u la hatene nia naran saida, maibé, iha maun ida mak iha hela arguidu Aderito Hugo nia rezidénsia ne’e no ha’u bolu hodi esplika, ami nia serbisu halo inspesaun ba ligasaun ilegál sira no maun ne’e hamriik iha oin mak ha’u sobu kontadór.  Bainhira sobu kontadór ne’e identifika duni iha fiu ida kinur ne’ebé liga direta, no  la liuhosi área instalasaun no bainhira tau kode, ahi hotu mate, maibé Air Conditioner (AC) la mate,” Sasin ne’e hateten iha sala audénsia julgamentu iha TDD.

Notísia Relevante: TDD adia julgamentu ba deputadu Adérito Hugo

Tanba ne’e, Tuir sasin katak bainhira sobu deskonfia iha duni ligasaun ilegál iha uma ne’ebé halo inspesaun ba ne’e.

Hafoin rona sasin, Tribunál adia hikas julgamentu ba loron 17 janeiru 2022, hodi kontinua rona tan sasin sira seluk.

Ho hahalok arguidu, Ministeriu Púliku akuza arguidu ba prátika krime furtu agravadu, ne’ebé previstu iha artigu 251 no artigu 252 hosi kódigu penál Timor-Leste.

Audénsia julgamentu ne’e preside hosi juis koletiva Alvaro Freitas, Argentino Nunes, José  Gonçalves, Ministériu Públiku reprezenta hosi Prokuradór Rogério Viegas no Arguidu hetan asisténsia legál hosi Advogadu Privadu, Pedro Aparicio.

Notísia Relevante:  PN autoriza deputadu Adérito Hugo hatán ba TDD iha 10 maiu

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here