Ofisiais Polísia Tránzitu hala’o hela identifikasaun ba asidente tráfegu iha area Palapasu, Dili. Imajen/Dok. Tatoli

DILI, 26 Dezembru 2021 (TATLI)— Komandante Polísia Unidade Tránzitu Dili, Inspetór Polísia Domingos Sarmento Gama, informa, iha fulan ne’e (dezembru) nia-laran rejista kazu asidente tráfegu hamutuk 28, hosi númeru ne’e na’in-lima mak mate.

“Ami rejista kazu asidente tráfegu hahú hosi loron 1 to’o 23 dezembru hamutuk 28 no ema na’in lima (5) mak lakon vida,” Inspetór Polísia ne’e hateteb ba Agência TATOLI via telefônika, kuarta ne’e.

Komandante Polísia Unidade Tránzitu Munisípiu Dili, Inspetór polisia Domingos Sarmento Gama. Imajen/Eugénio Pereira

Durante selebrasaun Santo Natál, akotese asidente tráfegu grave-liu iha kapitál Dili ida ne’ebé konsege hamate ema na’in-rua.

Nune’e, Komandante Tránzitu ne’e husu ba públiku liuliu motorista sira atu lori karreta no motór tenke kuidadu no labele hemu tua.

“Ita dadaun ne’e atu tama ba tinan foun, ita bele hemu maibé tenke kontrola aan, lori karreta karik tenke ho velosidade neneik, atu fó importansia ba ita nia vida no mós ema seluk nia vida,” hateten Ispetór Polísia ne’e enkoraja.

PNTL munisípiu Dili mós sei kontinua hala’o operasaun ba karreta no motór ne’ebé komunidade lori, maibé laiha dokumentu no karta kondusaun.

Notísia Relevante:  Polísia Tránzitu Dili rekolla $87802,00 hosi infratór sira

Jornalista  : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here