Ministru Administrasaun Estatál, Miguel Pereira de Carvalho. Imajen TATOLI/António Gonçalves

DILI, 28 dezembru 2021 (TATOLI)—Primeiru-Ministru (PM), Taur Matan Ruak, planeia ona atu vizita munisípiu hotu inklui Rejiaun Administrativa Espesiál Oé-cusse Ambeno (RAEOA).

“Primeiru-Ministru sei halo vizita ba munisípiu 13 no RAEOA durante loron hitu, hahú 07 janeiru 2022,” Ministru Administrasaun Estatál (MAE), Miguel Perreira de Carvalho, informa, hafoin hasoru Xefe Governu, iha rezidénsia ofidiál, Farol, tersa ne’e.

Notísia relevante: STAE preparadu realiza Eleisaun Prezidensiál marsu 2022

Durante vizita ne’e, PM sei halo diálogu ho autoridade lokál, líder komunitáriu, no mós komunidade ein jerál ne’ebé hela besik sidade.

“Primeiru-Ministru hakarak ko’alia ho populasaun sira kona-ba asuntu Eleisaun Prezidensiál, pandemia COVID-19 no ninia impaktu sira, dezenvolvimentu komunitáriu ein jerál iha suku hanesan programa nasionál dezenvolvimentu suku no programa seluk,” nia akresenta.

Jornalista : Antónia Gusmão

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here