VIQUEQUE, 22 dezembru 2021 (TATOLI)–Xefe suku Dilor, postu administrativu Lacluta, Jacinto Ximenes, husu ba Governu atu tau atensaun ba Ponte Dilor ne’ebé kotu, tanba difikulta movimentu komumidade.
Ponte ne’e hanesan ligasaun postu administrativu Natarbora, munisípiu Manatuto bá postu Lactulata, munisípiu Viqueque.
“Governu presiza tau atensaun ba Ponte Dilor ne’ebé kotu, maibé parte relevante seidauk hadi’a. Nune’e sai difikuldade ba komunidade nia viajen,” Xefe suku Dilor hateten ba Agência TATOLI, iha adiministrasaun munisípiu Viqueque, kuarta ne’e.
Tuir líder komunitáriu, ponte ne’e sai alternativu ba komunidade, tanba ne’e husu atu Governu liuhosi Ministériu Obra Públika (MOP) hadi’a ho karater emerjénsia.
“Liuhosi ponte ne’e komunidade bele lori sai produtu lokál sira hodi asesu ba merkadu tanba ohin loron sira labele asesu ba merkadu. Ho ida-ne’e, hanesan autoridade lokál husu atu hadi’a ona ponte,” nia akresenta.
Bainhira ponte ne’e kotu, Administradór postu halo kedas karta ba Institutu Jestaun Ekipamentu, Institutu Públiku (IGE, I.P) inklui ba MOP hodi hasai karta sirkulár.
“Maibé to’o agora parte relevate sira ne’ebé ami dirije karta hodi hadi’a ponte Dilor seidauk fó resposta ruma,” nia tenik.
Notísia relevante: Autoridade Lacluta husu Governu normaliza ponte Dilor no Welolo
idade sira atu hakat ba sorin tenki la’o hosi mota laran, maibé bainhira la udan.
“Iha sesta semana kotuk, loron 17 dezembru, bainhira abitante ida atu hakat hosi mota Dilor ho motorizada, mota konsege lori no abitante ne’e bele salva-an maibé motór avaria,” nia haktuir.
Komunidade Lacluta maioria moris hanesan agrikultór ne’ebé fa’an produtu bá Dili, ne’ebé bainhira tempu udan difikulta komunidade halo negósiu hodi sustenta moris.
Jornalista : Vitorino Lopes da Costa
Editora : Julia Chatarina
