Estádiu Munisipál Dili. Imajen/espesial

DILI, 16 dezembru 2021 (TATOLI)– Governu liuhosi Sekretáriu Estadu Juventude no Desportu (SEJD), deside re-anunsia konkursu públiku ba reabilitasaun Estádiu Munisípiu Dili tanba empreza Marino Entereprise Lda, laiha kapasidade finaseiru atu halo reabilitasaun. 

Sekretáriu Estadu Juventude no Desportu (SEJD), Abrão Saldanha, informa,  submete ona dokomentu re-anunsia konkursu ba Ministériu Obra Públiku (MOP) no Ajénsia Dezenvolvimentu Nasionál (ADN) atu halo verifikasaun, hafoin submete fali ba Konsellu Administrasaun Fundu Infraestrutura (KAFI),  halo aprovasaun  hodi fó biban ba Komisaun Nasionál Aprovizionamentu (CNA)  hodi loke konkursu foun, atu kompañia manán-nain bele reabilita fali Estádiu ne’e.

Sekertáriu Estadu Jobentude no Desportu (SEJD), Abrão Saldanha. Imajen Tatoli/Antonio Goncalves

“Ita hein katak bele verifika hotu ho lalais atu loke fali konkursu foun ba kompãnia sira bele mai konkorre atu kontinua fali obra ne’e iha tinan oin (2022), ho orsamentu hosi fundu infraestrutura milaun $1-resin,” SEJD Abrão, hateten ba Agência TATOLI iha edifisiu SEJD,Lecidere-Dili, kuarta ne’e.

Notísia Relevante: Problema Estádiu Dili, SEJD sei lori ba KAFI

Tanba, Estádiu Munisipál Dili hahú reabilitasaun iha 2015 ne’ebé kaer hosi kompañia lokál Marino Entereprise Lda, ho osan milaun $1,5, maibé Governu konsege pagamentu ona 70%, falta 30%, maibé kompañia laiha ona kapasidade finaseiru hodi finaliza  reabilitasaun estádiu ne’e.

Iha loron 15 novembru 2019, Konsellu Administrasaun Fundu Infrastrutura (CAFI-sigla Portugés) hala’o reuniaun ho SEJD no kompañia hodi deside hapara atividade reabilitasaun ba estádiu.

“Nune’e, ita hakarak loke fila prosesu foun hotu atubele buka kompaña ne’ebé iha kapasidade hodi finaliza Estádiu ne’ebé hakdasak durante tinan naruk. Bainhira MOP no ADN verifika no aseita ho presu ne’ebé ami propoin ita bele loke ona konkursu,” nia afirma.

Notísia Relevante:Estádiu Manatuto-Dili Paradu, Gleno La’o Di’ak

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here