Estádiu Dili. Foto Google.

DILI, 14 setembru 2020 (TATOLI)-Sekretáriu Estadu Juventude no Desportu (SEJD), Abrão Saldanha, informa iha tempu badak sei lori kazu konstrusaun Estádiu Munisipál Dili ne’ebé paradu ona ba Konsellu Administrasaun Fundu Infraestrutura (KAFI), hodi foti desizaun.

Konstrusaun ba Estádiu Dili, hahú iha 2015 husi kompaña lokál, Marino Entreprise, Lda ho osan hamutuk millaun $1,5. Husi obra ne’e Governu konsege selu ona pursentu 70, maibé to’o ohin loron seidauk finaliza.

Notísia Relevante :Obra Estádiu Dili Paradu Tanba Kompañia Iha Problema Finanseiru

“Estádiu Dili nia prosesu iha ona agora mak atu lori fali ba KAFI hodi foti fali desizaun. Kompaña ida uluk halo ne’e sai tiha ona. Estádiu Dili sei iha hela esplorasaun ideia hosi modalidade oioin ida mak halo rekore finansiamentu ne’e ba Estadu nian ka rekore finansiamentu  liur, ne’e mak sei haree didi’ak hela oinsá Estádiu Dili nian,” dehan Governante ba Tatoli iha edifísiu SEJD, Lecidere, segunda ne’e.

Governu garante antes tama fulan-dezembru 2020, SEJD ho KAFI sei rejolve problema ne’e nune’e bele kontinua hikas projetu refere.

Notísia Relevante :Estádiu Manatuto-Dili Paradu, Gleno La’o Di’ak

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here