Primeiru Ministru, Taur Matan Ruak, prezide reuniaun extradordinária Konsellu Ministru, iha Palásiu Governu, kuarta (24/11). Imajen TATOLI/Francisco Sony

DILI, 15 dezembru 2021 (TATOLI)–Governu liuhosi reuniaun Konsellu Ministru (KM) aprova Projetu Dekretu-Lei ne’ebé estabelese estrutura orgánika ba Autoridade Protesaun Sivil no prosede alterasaun dahuluk ba Dekretu-Lei númeru 47/2020, loron 07 outubru, ne’ebé aprova orgánika Ministériu Interiór.

Projetu Dekretu-Lei ne’e aprezenta hosi Primeiru-Ministru no Ministru Interiór, Taur Matan Ruak, no husi Sekretáriu Estadu Protesaun Sivil, Joaquim José Gusmão dos Reis Martins.

“Projetu ne’e ho objetivu atu estabelese estrutura sistema Protesaun Sivil tomak, ne’ebé lidera hosi Autoridade Protesaun Sivil, hanesan entidade ezekutiva iha ámbitu nasionál, reguladora ba atividade Protesaun Sivil hotu,” Ministru Prezidénsia Konsellu Ministru, Fidelis Manuel Leite Magalhães, informa hafoin reuniaun ezekutivu, iha Palásiu Governu, kuarta ne’e.

Notísia relevante: KM diskute Orgánika Autoridade Protesaun Sivíl

Nune’e, sei iha Prezidente Autoridade Protesaun Sivil, hamutuk ho ninia pontu fokál ba ligasaun iha nível polítiku no sei halo jestaun operasionál, administrativa-lojistika no finanseira ba sistema protesaun tomak. 

Projetu ne’e kria mós kondisaun atu armoniza prosedimentu no definisaun ba kompeténsia hosi entidade idaidak, hodi nune’e evita duplikasaun ka lakuna sira no adota sistema Protesaun Sivil ho okorénsia, artikulasaun kle’an, resposta lalais, fluénsia konstante ho informasaun atualizada no robustes, loke dalan ba estabelesimentu ba Protesaun Sivil ne’ebé estruturada no organizada tuir nesesidade reál país.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here