Restu mortál ne’ebé rai ona iha uma-mahon postu Uatulari, tersa (14/12). Imajen TATOLI/Vitorino Lopes da Costa

VIQUEQUE, 14 Dezembru 2021 (TATOLI)—Administradór postu Uatulari, Manuel do Rosário, hateten, konstrusaun jadín eroi iha Luga-Asa, munisípiu Viqueque ne’ebé antes ne’e lansa fatuk dahuluk iha tinan 2014 maibé paradu, tinan ne’e kontinua ona konstrusaun.

“Ministériu Asuntu Kombatente no Libertasaun Nasionál loke ona konkursu iha tinan 2021 ne’e hodi halo konstrusaun jadín eroi iha Luga-Asa, ne’ebé agora konstrusaun komesa la’o ona. Ita hein obra ne’e hotu sei haloot restu mortál iha fatin ne’ebé Governu prepara ona,” Administradór postu Uatulari, informa ba Agência TATOLI, iha ninia knaar fatin, tersa ne’e.

Notísia relevante: Semitériu eroi munisípiu sira iha prosesu konstrusaun atu haloot restu mortál

Restu mortál rai ona iha uma-mahon postu Uatulari durante tinan-ualu, hahú tinan 2013 to’o agora, tanba laiha fatin atu haloot.

Nune’e, empreza Natureza Furak, Lda mak toma konta hela konstrusaun jardín eroi ne’e, ho kustu ba obra $200.000 resin.

Restu mortál ne’ebé rai iha postu Uatulari hamutuk 600 resin, maibé prosesu rekolla seidauk finaliza.

“Rekolla la’ós iha postu Uatulari de’it, maibé balun hosi munisípiu Lautém, Baucau, Manatuto, Liquiçá inklui Viqueque laran hosi postu Uatucarbau no Viqueque villa. Ami tau hamutuk iha ne’e no buka tuir família, kuandu hetan ami fó hatene hakarak foti ka tau hamutuk iha ne’e, tanba ne’e depende desizaun hosi família saudosu nian,” nia akresenta.

Tuir planu sei kontinua rekolla tan restu mortál sira ne’ebé seidauk maibé sei hein responsável hosi nasionál hodi diskute ho parte administrasaun postu.

“Ami iha hotu ona lista hodi buka tuir saudozu sira nian ruin,” nia tenik.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here