Komunidade hamoos rate iha Semitériu Santa Krús. Imajen/Nelson de Sousa

DILI, 13 dezembru (TATOLI)— Governu liuhosi Ministériu Administrasaun Estatál (MAE) hahú planu halo konstrusaun ba semitériu foun iha Metinaro atu  subtitui semitériu Becusse atu haloot mate-isin.

“Istimasaun hosi Prezidente Autoridade Munisipiu Dili, katak semitériu Becusse sei nakonu iha fulan dezembru ne’e ou janeiru 2022. Tanba ne’e ita planu atu konstrui semitériu foun iha Metinaro-Dili,” Ministru Administrasaun Estatál (MAE), Miguel Pereira de Carvalho, hateten ba jornalista sira iha Bairru-Pité, Dili, segunda ne’e.

Daudaun, Prezidente Autoridade Munisípiu Dili kontrata ona koveiru, atu semitériu Becusse nakonu ona bele lori mate-isin ba haloot iha semitériu foun ne’e.

Fatin haloot mate foun Metinaro, iha rai ektare hamutuk 25, hosi ektare ne’e 12 ektare uza ba semitériu públiku no ektare 13 ba semitériu COVID-19.

Nune’e, husu ba komunidade munisípiu Dili prepara aan, karik to’o fulan dezmebru ne’e ka janeiru deside ema mate la hakoi tan ona iha Becusse, maibé lori ba hakoi iha semitériu públiku iha Metinaro.

“Semitériu Becusse nakonu, mate sira iha Dili sei lori ba haloot iha Metinaro tanba Governu prepara ona fatin,” nia akresenta.

Notísia relevante: Governu sei harii semitériu foun hodi substitui Semitériu Públiku Becuse

Jornalista : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here