Prezidente Repúblika, Francisco Guterres Lú-Olo, hala’o audénsia ho Ministru Administrasaun Estatál (MAE) ne’ebé akompaña hosi Diretór STAE no Prezidente CNE. Imajen/Média PR.

DILI, 13 dezembru (TATOLI)— Prezidente Repúblika, Francisco Guterres Lú-Olo husu Komisaun Nasionál Eleisaun (CNE, sigla Portugés) atu koopera ho autoridade munisipál sira hodi fó edukasaun sívika ba eleitór-sira atu hatene direitu vota iha eleisaun prezidensiál 2022.

“Daudaun, ita serbisu hamutuk ho Prezidente Autoridade Munisípiu no administradór munisípiu sira hahú halo ona edukasaun sívika ba ita nia eleitór-sira liu ba ita nian liuliu estudante no joven sira ne’ebé foin atinje tinan 17,” Prezidente CNE, José Belo, hateten ba jornalista sira iha Palásiu Prezidensiál, Bairru-Pité, segunda ne’e.

Notísia relevante: CNE Hakarak Halo Edukasaun Sívika Hanesan Programa Regulár

Prezidente Repúblika Francisco Guterres Lú-Olo mós preokupa tasa partisipasaun populasaun nia iha eleisaun, nune’e husu CNE atu kontinua fó edukasaun sivika ba eleitór bele hatene nue’e ema bele partisipa eventu demokratiku ida ne’e.

Prezidente Komisaun Nasionál Eleisaun, (CNE, siglá portugés), José Agostino da Costa Belo. Imajen Tatoli/Francisco Sony

“Xefe Estadu husu ba CNE tenke serbisu ho di’ak hatudu maturidade neutralidade atu asegura eleisaun , nune’e rezultadu ne’ebé mai ne’e sai di’ak,” nia akresenta.

CNE nia papél halo supervizaun no edukasaun sivika ba votante sira hodi hatene direitu votu iha sentru votasaun-sira no área konflitu sira, nune’e joven-sira  konsiente hodi  kontribui ba eventu eleisaun prezidensiál 2022.

MAE hamutuk ho órgaun eleitorál rua hanesan STAE no CNE, hahú halo preparasaun téknika hanesan resensiamentu eleitorál, akizasaun ba materiál votasaun no hala’o edukasaun sívika atu hasa’e taxa partisipasaun iha prosesu demokratiku ne’e.

Nune’e iha eleisaun prezidensiál 2022 nian Governu sei aumenta sentru votasaun to’o 1.200, ho aumentu 27% no estasaun votu antes iha 1.500, maibé STAE propoin atu hasa’e ba 1.160.

Kona-ba resensiamentu eleitorál iha diaspora hanesan, Koreia Súl, Irlandia Norte, Portugál inklui Reinu Unidu konsege rejista ona eleitór 7.000, ne’ebé la inklui timór-oan iha Austrália.

Governu mós sei estabelese sentru votasaun no estasaun votu rua iha Portugál hanesan, ida iha Lisboa no  ida fali iha Portu, Austrália ida iha Darwin, Koreia Súl ho sentru votasaun ida, Reinu Unidu estabelese tolu

Resensimentu eleitorál ho baze iha 2017 hamutuk eleitór 784.286, maibé iha ona aumentu eleitór atu tuir votasaun iha tinan oin (2022) hamutuk 850.487.

Daudaun ne’e, STAE no CNE konklui ona rekrutamentu ba brigadista sira hamutuk 1.200 no iha tempu tuir mai sei rekruta mós ofisiál eleitorál hamutuk 15.000 atubele halo serbisu iha sentru votasaun no estasaun votu iha territóriu nasionál.

Notísia relevante: MAE: eleisaun prezidensiál 2022 sei la’o ho forma imparsiál-neutru

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here