Deputadu sira halo debate no votasaun Proposta Lei OJE 2022 iha espesialidade, ija sala plenária Parlamentu Naasional, kinta (09/12/2021). Imajen Tatoli/Antonio Gonçlves.

DILI, 09 dezembru 2022 (TATOLI)—Parlamentu Nasionál retira orsamentu ho montante millaun $25 ne’ebé prevee hosi Ministéiru Finansa liuhosi Dotasaun Todo Governu ba subsídiu alimentár ba funsionáriu públiku, ho rezultadu votasaun a-favór-42, kontra hitu (7) no abstensaun 13, nune’e proposta ne’e pasa hodi hasai osan ne’ebé antes ne’e prevee ona.

Notísia Relevante: PN aprova millaun $40 ba SECoop implementa programa Cesta Bázika

“Proposta númeru 38 pasa, retira osan hosi millaun $25 hosi programa agrikultura iha dotasaun todo Governu no osan ne’e kobre fila-fali ba proposta sira seluk,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária, kinta ne’e.

Deputada proponente, Maria Angélica Rangel, hateten proposta númeru 38 ho hanoin katak hafoin haree proposta barak halo aditamentu labele konsege sobu programa ne’ebé mak Governu halo tan foti ida mai hosi ida.

Tanba ne’e mak ho hanoin Governu iha kompeténsia atu tau iha ne’ebé tuir proposta ne’ebé iha tanba millaun $25 tau iha dotasaun todo Governu hodi atu fó subsídiu ba funsionáriu públiku sira tanba razaun fundamentál ne’ebé mak dekretu ne’e Prezidente Repúblika veta, nune’e proponente hanoin bele halo diminuisaun tiha.

Maibé, nia dehan, nia objetivu hanesan ne’ebé introdús iha proposta númeru 40 bele sai fali hodi sosa produtu agrikultura atu nune’e bele finansia programa Cesta Bázika.

“Tanba ne’e millaun $25 ami redús tiha iha proposta inisiál ne’e ba zero,” nia hateten.

Parlamentu nasionál aprova proposta númeru 38 hodi deside hasai orsamentu millaun $25 ne’ebé destina ba subsídiu alimentár ba funsionáriu públiku.

Títulu Dotasaun para todo Governo, kategória despeza bens no servisu, programa kódiku 797 kona-ba agrikultura, sub-programa aumenta produsaun no produtividade ai-hán no produtu ortikultura ho nia atividade sosa produtu agríkula ba subsídiu alimentár, ne’ebé iha dotasaun inisiál millaun $25 ho alterasaun hasai tiha.

Ministru Finansa, Rui Augusto Gomes, hateten pontu situasaun ne’ebé iha ho proposta hirak ne’ebé iha tetu OJE 2022  hetan aumenta millaun $341 no mós iha proposta sira husu redusaun  millaun $50.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here