Mediku sira Vasina Pfizer Covid-19 ba estudante sira iha Dili 30/11/2021.Imajen TATOLI/Antonio Goncalves

DILI, 03 dezembru   2021 (TATOLI)— Ministeriu Saúde  relata, ohin,  kazu detetadu foun ida , rekuperadu laiha no kazu ativu neen.

”Kazu detetadu foun ohin  ida ativu neen,” Diretora Jerál Prestasaun Saúde iha Ministeriu Saúde,  Odete da Silva Viegas , hateten liuhosi nota ne’ebé Agência TATOLI asesu sesta ne’e.

Notísia Relevante: Populasaun Timor-Leste simu ona vasina kompletu 60,5%

Nune’e, hahú 21 marsu 2020 to’o 02 dezembru  2021 iha kumulativu kazu konfirmadu 19.827 no óbitu 122.

Hosi horisehik mai ohin, Laboratóriu Nasionál Saúde halo teste PCR 214, kompostu vijilánsia sentinela laiha, rastreiu ba kontaku laiha, rastreiu aleatóriu 30 , viájen internasionál na’in 184 , follow up iha kuarentena la iha.

Alende ne’e, totál teste PCR ne’ebé halo iha 02 dezembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 121, hanesan Maubisse tolu, Maliana lima, Viqueque laiha , Suai laiha  , Baucau 30, Ermera laiha, RAEOA laiha , HNGV 65, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 03 dezembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,5%) no kumulativu 2ª doze iha Dili (77,2%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 81,5% no simu ona doze daruak 60,9%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron  03 dezembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha , moderadu la iha no kaman na’in la iha.

Notísia Relevante: Vasina Pfizer doze dahuluk atinje ona 18,7%

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here