Estudante Eskola Ensinu Sekundáriu Jerál Katólika Santo Estevão Viqueque, Dom Jeremia Viqueque villa, tuir edukasaun sívika hosi CNE-STAE, iha salaun eskola, kinta (02/12). Imajen TATOLI/Vitorino Lopes da Costa

VIQUEQUE, 02 dezembru 2021 (TATOLI)–Komisaun Nasionál Eleisaun (CNE, sigla portugués) no Sekretáriu Tékniku Administrasaun Eleitóral (STAE) halo edukasaun sívika ba estudante Ensinu Sekundáriu Jerál Katólika Santo Estevão Viqueque hodi partisipa iha eleisaun.

Objetivu atividade ne’e atu divulga informasaun ba estudante ho idade elijível bele partisipa eleisaun, ho tema ‘promove esklaresimentu kona-ba aktu eleitorál no eleisaun reziliente ho COVID-19’.

“Sidadaun hotu ho idade 17 iha devér no obrigasaun hatene tuir eleisaun. Agora halo edukasaun sívika, molok tama eleisaun. Dahuluk ita hahú siklu eleitorál mak halo resensiamentu eleitorál. Tanba ne’e estudante sira tenki kompreende prosesu sira,” Komisáriu CNE, Olávio da Costa Monteiro, hateten, iha ninia diskursu ba edukasaun sívika, iha Eskola Ensinu Sekundáriu Jerál Katólika Santo Estevão Viqueque, Dom Jeremia Viqueque villa, kinta ne’e.

Notísia relevante: STAE Viqueque rejista eleitór foun iha postu lima hamutuk 1.890

Nia dehan, CNE ninia dever halo edukasaun sívika ba sidadaun eleitór sira ne’ebé iha interese rona hodi hatene prosesu eleisaun.

Iha fatin hanesan, Diretór Ensinu Sekundáriu Jerál Katólika Santo Estevão Viqueque, Martinho Amaral, agradese ba CNE ne’ebé hakat mai iha eskola hodi halo edukasaun sívika ba estudante, nune’e bele kompreende prosesu asesu ba eleisaun.

“Ha’u husu estudante sira hotu nu’udar sidadaun, tenki rona edukasaun sívika ho di’ak hodi ezerse diretu iha eleisaun,” Diretór Eskola dehan.

Oradór ba atividade ne’e mai hosi CNE no STAE, ne’ebé hetan partisipasaun hosi estudante hamutuk na’in-120-resin.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here