Prezidente Konsellu Administrasaun APORTIL, Flávio Cardoso Neves. Imajen TATOLI/António Gonçalves

DILI, 01 dezembru 2021 (TATOLI)–Prezidente Konsellu Administrasaun Autoridade Portuáriu Timor-Leste, Institutu Públiku (APORTIL, I.P), Flávio Cardoso Neves, hateten, ró-ahi Berlin-Ramelau ho dirasaun Xina-Dili hasoru difikudade, tanba ne’e labele to’o destinasaun tuir loron ne’ebé planeia ona.

“Ró sai hosi Xina iha loron 24 novembru, ne’ebé daudaun ninia pozisaun iha Kaohsiung (área Taiwan). Hein laloron tasi normál sei kontinua viajen mai Timor-Leste, ne’ebé tuir estimasaun, sei tama Dili iha loron 09 dezembru tinan ne’e. Ró ne’e sei para hela durante loron-rua tanba laloran tasi boot,” Prezidente APORTIL, I.P informa ba Agência TATOLI, via telefónika, kuarta ne’e.

Tuir planu, ró to’o destinasaun iha loron 06 dezembru, maibé tanba hasoru difikuldade mak sei to’o iha loron 09 dezembru.

“Área ne’ebé sira para sempre nune’e, maibé informa ona mai katak aban (kinta) dadeer sira kontinua viajen,” nia akresenta.

Notísia relevante: Governu atribui naran ‘Berlin-Ramelau’ ba ró pasajeiru nasionál daruak

Maski ekipa Timor-Leste la hamutuk ho ekipa ne’ebé viajen mai Timór, maibé kapitaun ró sempre relata informasaun durante viajen.

Enkuantu, bandeira ne’ebé utiliza iha ró ne’e provizóriumente sei uza bandeira St. Vincent Grenading hodi hein desizaun Konsellu Ministru.

Dadaun ne’e APORTIL prepara realiza seremónia termu entrega hosi empreza mai Governu Timor-Leste, ne’ebé atividade ne’e sei realiza iha Portu Dili.

Iha loron 31 maiu 2019, Governu Timor-Leste reprezenta hosi Ministru Transporte no Komunikasaun, José Agustinho da Silva, asina akordu ho Governu Federál Alemaña no Estaleiru Navál ‘Damen’ hodi halo konstrusaun ró Berlim-Ramelau.

Projetu ne’e Governu Alemaña kontribui millaun €7,8 no Timor-Leste millaun €7,1.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here