Primeiru-Ministru, Taur Matan Ruak, hamutuk ho membru Governu sira Partisipa iha debate Jeneralidade ba Proposta Lei OJE tinan 2022, iha sala plenária PN, kuarta (01/12). Imajen TATOLI/Egas Cristóvão

DILI, 01 dezembru 2021 (TATOLI)—Komisaun C trata asuntu Finansa Públika rekomenda pontu importante 16 ba Governu no pontu sia (9) ba Parlamentu Nasionál iha proposta Orsamentu Jerál Estadu (OJE) 2022.

Notísia Relevante: Proposta OJE 2022 prenxe rekezitu legál

Relatóriu pareser komisau C ba Governu ho pontu importante sira mak hanesan orsamentu seguransa sosiál (OSS) inklui futuru tabela referente despeza ba institutu públiku rua, Institutu Seguransa Nasionál (INSS) no Fundu Rezerva Seguransa Sosiál Sosiál (FRSS), ne’ebé agora fundu konstitui  ba fin koloka nivél detallu informasaun relasiona ho instituisaun hirak ne’e perímetru orsamentál.

Informasaun kona-ba ativu inklui futuru, pátrimoniu Estadu no informasaun kona-ba pasivu inklui garantia terseira no dívida la’ós finanseira, kumprimentu artigu 22 númeru 1 alinea c) LOGF, kustu previstu reseita anteriór la arrekada iha rezultadu benefísiu fiskál ka aduaneiru no previzaun, no fornese informasaun hotu orsamentál hosi Autoridade Nasionál Petróleu no Minerál (ANPM) IP, inklui kategória reseita falta koima, multa, indeminizasaun no presu.

“Aliénde BCTL jestór operasionál fundu petrolífeiru, Ministéiru Finansa ho Konsellu Administrasaun Empreza Públika Timor GAP dokumentu legál ne’ebé kontribui esklarese aberta no detalla situasaun kontketa empréstimu konsede hosi Estadu ba Timor GAP ba investimentu iha konsórsiu greater sunrise. Retornu negativu ka pozitivu ne’e, rezultadu hosi empréstimu to’o momentu ne’e. Dokumentu fundamenta desizaun empreza no Governu, nomós relatóriu auditadu konta Timor GAP iha 2020, fornese ba PN to’o finál debate iha jeneralidade propsota orsamentál 2022,” refere relatóriu no rekomedasaun hosi Komisaun C ne’ebé asina hosi Prezidente Komisaun C, Maria Angélica Rangel, Deputada Relatór Maria Angelica Lopes Sarmento, Nélia Soares Menezes, António Maria Tilman.

Iha rekomendasaun regulamenta rejime jurídiku divída públika, pendente desde aprovasaun lei iha 2011, tanba volume dívida públika  Timor-Leste  kontinua aumenta  to’o 2022  iha millaun $410,0.

Kompleta informasaun akompaña proposta OJE, kumprimentu hosi artigu 22 lei jestaun orsamentu finanseira (LOF), hanesan situasaun patrimóniu movél no imovél Estadu, estratéjia fiskál Governu ba kurtu no médiu prazu ho estimativa reseita la arrekada hosi benefísiu la’ós finanseiru refere bens servisu, informasaun empréstimu hosi Governu.

No presta informasaun ba PN kona-ba rekursu Estadu ba finansiamentu kurtu prazu liu misaun obrigasaun Tezouro ne’ebé iha lei OJE autoriza, no entrega ba Parlamentu Nasionál relatóriu ezekusaun PRE implementasaun programa Cesta Bázika no relatóriu fundu COVID-19.

Aliénde rekomenda atu rigór servisu jere reseita propria kontrolu efetivu no transparante.

Iha relatóriu ne’e rekomenda lei fundu petroliféiru prevee levantamentu labele liu Rendimentu Sustentavel Estimadu (RSE) finansia despeza investimentu kapitál dezenvolvimentu no infraetrutura estratéjika.

Komisaun C fó hanoin no no fó konsiderasaun ba relatóriu ne’ebé públika hosi Banku Mundiál no Nasaun Unida kona-ba sustentavilidade despeza públika.

Governu kontinua la rejista sistema integradu jestaun finanseira jere hosi Ministéiru Finansa ba levantamentu anuál previstu fundu petrolíferu hosi valór aprovadu iha lei OJE.

No ikus liu rekomenda ba Ajénsia NAPMA (anteriór UPMA) asegura asesu universál ho objetivu konsulta sistema planeamentu no jere forma ho tranparánsia finanseira no akompaña programa orsamentál hosi PN.

Enkuantu rekomendasaun pontu importante ba Parlamentu Nasionál mak prosede alterasaun tabela III ho fim ajusta montante reseita globál real estimadu administrasaun direta Estadu ba 2022.

Elimina referénsia perímetru orsamentál iha textu lei, la define artigu 12 no esklarese regra alterasaun orsamentál ba administrasaun hotu no autonoma ho RAEOA (Rejiaun Administrativa Espesiál Oé-Cusse Ambeno).

Elimina artigu 7, 15 previstu dotasaun orsamentál nesesária ba dezenvolvimentu infraestrutura ba munisípiu foun Ataúro iha fundu infraestrutura. No determina Ministru Finansa no Prezidente RAEOA entrega urjente mapa fluxu kaisa (mapas de cash flow).

Elimina artigu 9 númeru 2 (doasaun), 11 (altersaun orsamentál), 13 (dotação para todo Governo), 16 (tranzisaun saldo jerénsia fundu COVID-19 no fundu infraestrutura), 17 (rejime tranzitóriu), no 9, 10 (ezekusaun) PPL númeru 35/V4a, kontribui redusaun transparánsia konta públika, kontrária konstituisaun no lei orsamentu jestaun finanseira vigór.

Izensaun ka aumenta determinante taxa impostu seletivu konsumu repete anualmente presiza integrada iha lei tributária la’ós lei OJE.

Falta informasaun ho di’ak, nune’e rekomenda ba PN hodi husu ba Kámara Konta atu halo auditoria  ba konta fundu COVID-29 no pakote rekuperasaun ekonómia (PRE) hodi esklarese situasaun atuál.

Enkuantu, diskusaun proposta lei OJE 2022 iha faze jeneralidade loron primeiru hafoin pauza kontinua iha parte lorokraik ne’e, parte Governu seidauk fó resposta ba rekomendasaun komisaun C nian no komisaun espesializada sira seluk enkamina mós relatóriu setoriál ba Governu hodi halo leitura no iha loron 02 dezembru (aban) mak Governu sei fó resposta dala ida.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here