Ministru Prezidénsia Konsellu Ministru, Fidelis Magalhães, enkontru ho Fundadór Koléjiu Eskola Fatumaka, Padre Eligio Locatelli, SDB. Imajen/ media MPKM.

DILI, 01 dezembru 2021 (TATOLI)- Fundadór Koléjiu Eskola Fatumaka, Padre Eligio Locatelli, SDB, ohin, kuarta (26/07) hakat an ba Palasiu Governu, hodi enkontru ho Ministru Prezidensia Konsellu Ministru, Fidelis Magalhães, hodi husu apoia  subsídiu atu finansia atividade eskolár.

“Ha’u hato’o preokupasaun ida liga ho servisu no atividade eskola Fatumaka nian. Atu husu Governu iha períodu diskusaun Orsamentu Jerál Estadu (OJE) 2022 prevee subsídiu fixu apoia Fatumaca atu finansia atividade hotu eskola nian,” Amo Locateli, hateten  ba jornalista sira hafoin ramata enkontru ho Ministru Fidelis Magalhães.

Amo Locatelli mós planu ona atu hasoru mós ho Ministru Edukasaun, Juventude no Desportu, Armindo Maia no Ministru sira seluk atubele apoia atividade eskolár iha Fatumaca hodi forma joven-sira.

“Ha’u hein katak buat ne’ebé ami ko’alia iha rezultadu atu ami hetan apoiu,” Amo espera.

Nune’e, Amo agardese ba Ministru Fidelis tanba nia hili ona Fatumaca sai fatin deskasa ba nia bainhira partisipa selebrasaun 28 Novembru iha Darsula, Baucau.

Notísia Relevante: Agradese Ba Governu Nia Tulun

Jornalista : Natano Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here