Diretòr Prizaun Covalima, Julio dias Ximenes. Imajen Tatoli /Celestina Teles.

COVALIMA, 23 novembru 2021 (TATOLI)—Diretòr Prizaun Covalima, Julio dias Ximenes, rekomenda ba CNE atu halo kartaun eleitorál tanba hosi prizoneriu hamutuk 110 ne’e, iha dadur na’in-15 mak to’o oras ne’e seidauk iha kartaun eleitoràl.

Notísia Relevante: CNE hala’o edukasaun sivika ba dadur sira iha prizaun Covalima

“Iha oportunidade ida-ne’e, ha’u rekomenda ba CNE bazea ba informasaun ne’ebé ha’u rekolla katak prizoneriu iha Covalima iha dadur na’in-15 mak laiha kartaun eleitoràl, tanba prizoneiru  na’in-11 mak nia kartaun eleitoràl lakon,” Julio dias Ximenes hateten liuhosi nia diskursu iha serimónia CNE hala’o programa eduksaun sivika ba prizoneiru sira, iha prizaun Covalima, tersa ne’e. 

Tanba ne’e, nia husu ba órgaun kompetente atu dezloka ekipa ba prizaun Covalima atu bele fasilita prizoneiru sira-ne’ebé seidauk iha kartaun eleitorál ne’e bele hatan kartauun refere iha tempu badak nia laran. 

Diretòr CNE munisípiu Covalima, Hermenegildo de Sena, hateten ninia parte prepara ona karta pedidi atu haruka ba órgaun kompetente hodi fasilita prizioneiru sira, 

“Ha’u mós orienta no prepara karta ida, ha’u halo ona koordenasaun ho diretór STAE bele ba iha prizaun hodi bele fasilita prizoneiru sira hasai kartaun eleitoràl. Ita sai ba li’ur, ita presiza buat barak,” nia dehan.

Bazea ba koordenasaun ne’e, diretòr mós hatan ona maibé presiza halo karta, entaun aban nia parte sei haruka karta, nune’e bele fasilita prizioneiru sira bele hetan kartaun eleitoràl.

Iha área jurisdisaun munisípiu Covalima kobre mós munisípiu sira hanesan Covalima prizoneiru  35, Ainaro 26, Bobonaro 27, Manufahi 22 ne’ebé fahe ba bloko A to’o C. 

Totál guarda prizonál iha Covalima hamutuk 39 no hosi númeruu ne’e kompostu hosi feto na’in-haat (4) no mane na’in-35.

Jornalsita : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here