Reasaun estudante ida bainhira simu vasina Pfizer COVID-19 iha Eskola São Pedro Comoro, Dili, tersa (16/11/2021). Imajen TATOLI/Antonio Gonçalves.

DILI, 16 novembru   2021 (TATOLI)—Sala Situasaun, Sentru Integradu Jestaun Krize (CIGC, sigla Portugés) relata, ohin, kazu detetadu foun na’in-rua, rekuperadu  laiha no kazu ativu ualu.

”Kazu detetadu foun ohin rua,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu, sesta ne’e.

Nune’e, hahú 21 marsu 2020 to’o 16 novembru 2021 iha kumulativu kazu konfirmadu 19.812 no óbitu 122.

Hosi horisehik mai ohin, Laboratóriu Nasionál Saúde halo teste PCR 83, kompostu vijilánsia sentinela la iha, rastreiu ba kontaku laiha, rastreiu aleatóriu 12 viájen internasionál na’in-42, follow up iha kuarentena 12.

Alende ne’e, totál teste PCR ne’ebé halo iha 15 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 90, hanesan Maubisse ualu, Maliana 13, Viqueque ida, Suai 17, Baucau 51, Ermera laiha, RAEOA laiha, HNGV laiha, Lautém laiha , Vera Cruz  laiha.

Populasaun elijível tinan 18 ba leten, ne’ebé simu ona vasina to’o iha loron 16 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (84,3%) no kumulativu 2ª doze iha Dili (74,8%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 77,7% no simu ona doze daruak 52,6%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante,

Iha loron 16 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu na’in-rua, moderadu laiha no kaman na’in-rua.

Notísia Relevante: COVID-19: kazu rekuperadu hitu no ativu neen

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here