Estudante Eskola Bázika Sentrál Farol bainhira simu imunisasaun Vasina Pfizer husi pesoal mediku sira, kinta (11/11/2021). Imajen Tatoli/Antonio Gonçalves.

DILI, 12 novembru   2021 (TATOLI)— Sala Situasaun, Sentru Integradu Jestaun Krize (CIGC, sigla Portugés) relata, ohin, kazu detetadu foun ida, rekuperadu hitu, no kazu ativu neen.

”Kazu detetadu foun ohin ida,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten, liuhosi nota ne’ebé Agência TATOLI asesu, segunda ne’e.

Nune’e, hahú 21 marsu 2020 to’o 15 novembru 2021 iha kumulativu kazu konfirmadu 19.810 no óbitu 122.

Hosi horisehik mai ohin, Laboratóriu Nasionál Saúde halo teste PCR 133, kompostu vijilánsia sentinela laiha, rastreiu ba kontaku laiha, rastreiu aleatóriu ualu, viájen internasionál 96, follow up iha kuarentena sia.

Alende ne’e, totál teste PCR ne’ebé halo iha 14 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 182, hanesan Maubisse la iha Maliana haat, Viqueque la iha, Suai ida, Baucau 17, Ermera rua, RAEOA laiha, HNGV  131, Lautém 10, Vera Cruz 17.

Populasaun elijível tinan 18 ba leten, ne’ebé simu ona vasina to’o iha loron 15 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (84,1%) no kumulativu 2ª doze iha Dili (74,6%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 77,4% no simu ona doze daruak 52,0%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante, enkuantu ba deit munisípiu Dili 0,3/100 mil abitante.

Iha loron 15 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-rua, moderadu la iha no kaman na’in-rua.

Notísia Relevante: Domingu ne’e, CIGC la rejista kazu pozitivu COVID-19

Jornalista  : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here