Ministru Ensinu Superiór, Siénsia no Kultura, Longuinhos dos Santos. Imajen TATOLI/ Egas Cristóvão

DILI, 15 novembru 2021 (TATOLI)—Ministériu Ensinu Superiór, Siénsia no Kultura (MESSK) iha ona faze preparasaun indemnizasaun abitante afetadu 79 ba projetu sidade universitáriu Aileu.

“Ita ultrapasa ona prosesu lubuk ida hanesan levantamentu dadus ba família afetadu sira, atribuisaun sertifikadu rai hosi Ministériu Justisa (MJ) ba MESSK, prosesu loke kódigu vendór iha Ministériu Finansa (MF), inklui finaliza ona estudu viabilidade no dezeñu,” Ministru Ensinu Superiór, Siénsia no Kultura, Longuinhos dos Santos, hateten iha salaun Delta Nova, segunda ne’e.

Notísia relevante: Sidade universitáriu Aileu, millaun $2.1 ba indemnizasaun ho reklamasaun

Tuir Ministru, bainhira hetan ona transferénsia hosi MF maka sei halo pagamentu ba afetadu projetu sira.

Nune’e, etapa tuir mai sei realiza seremónia tau fatuk dahuluk ba área ne’ebé atu harii sidade universitáriu.

“Ita hein hela prosesu pagamentu ba komunidade afetadu sira, kuandu finaliza ona mak ita bele define data ba seremónia tau fatuk dahuluk,” nia akresenta.

Orsamentu ne’ebé ministériu prevee atu halo pagamentu ba abitante afetadu hamutuk millaun $2,1, ne’ebé orsamentu ne’e tuir dadus anterior hamutuk ba abitante 108, maibé hafoin verifika, ema 79 de’it mak sei simu indemnizasaun.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here