Pesoál médiku sira iha Centru Saúde Comoro kontinua halo atendementu ba komunidade sira ne’ebé ba simu Vasina AstraZeneca hodi proteje an husi virus Covid 19, kuarta 10/11/2021.Imajen Tatoli/Antonio Goncalves

DILI, 14 novembru   2021 (TATOLI)—Sala Situasaun, Sentru Integradu Jestaun Krize (CIGC,sigla portugés) relata, ohin,  kazu detetadu foun la iha , rekuperadu  laiha (0) no kazu ativu 12.

“Kazu detetadu foun ohin laiha,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, domingu ne’e. 

Notísia Relevante:  COVID-19: kazu foun laiha no ativu 12

Nune’e, hahú 21 marsu 2020 to’o 14 novembru 2021 iha kumulativu kazu konfirmadu 19.809 no óbitu 122.

Hosi horisehik mai ohin, Laboratóriu Nasionál Saúde halo teste PCR 79, kompostu vijilánsia sentinela rua, rastreiu ba kontaku laiha (0), rastreiu aleatóriu neen, viájen internasionál 71, follow up iha kuarentena laiha.

Alende ne’e, totál teste PCR ne’ebé halo iha 13 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) hamutuk sia, hanesan Maubisse lima, Maliana tolu, Viqueque laiha, Suai lima, Baucau tolu, Ermera, RAEOA, HNGV, Lautém, no Vera Cruz  laiha.

Populasaun elijível tinan 18 ba leten, ne’ebé simu ona vasina to’o iha loron 14 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (84,0%) no kumulativu 2ª doze iha Dili (74,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 77,3% no simu ona doze daruak 52,0%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante, enkuantu ba deit munisípiu Dili 0,4/100 mil abitante.

Iha loron 14 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-rua, moderadu la iha no kaman na’in-rua.

Notisia Relevante: Vasina doze daruak iha territóriu nasionál atinje ona 51%

Jornalista  : Antónia Gusmão

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here