Kondisaun sala aula Eskola EBF suku Railaco Kraik. Imajen TATOLI/Natalino Costa

DILI, 10 novembru 2021 (TATOLI)–Diretór Nasionál Dezenvolvimentu Parque Eskolár- Ministériu Edukasaun Juventude no Desportu (DNDPE-MEJD), Hélio Lopes, garante prosesu reabilitasaun no konstrusaun eskola no sala aula iha territóriu nasionál sei realiza iha semana ne’e.

Tuir planu sei reabilitasaun no konstrui eskola 197 no sala aula 651, tanba daudaun ne’e Diresaun Finansa prepara ona prosesu administrasaun.

“Ha’u fiar katak semana ne’e buat hotu la’o ona tanba daudaun ita-nia Diresaun Finansa sei ba loke Code Vendor iha Ministériu Finansa atubele simu transferénsia osan hosi finansa sentrál,” Diretór Nasionál hateten ba Agência TATOLI, iha ninia knaar fatin, Villa verde, kuarta ne’e.

Notísia relevante: Eskola 197 asina ona kontratu projetu komunitáriu hadi’a eskola

Eskola 197 no sala aula 651 ne’ebé atu hadi’a, kompostu hosi munisípiu Aileu hamutuk eskola 13 no sala 40 ho totál orsamentu $1.313.542,97, Ainaro eskola 16 no sala 51 totál orsamentu $1.569.735,27, Baucau eskola 29 no sala 92 totál osan $2.934.833,51 Bobonaro eskola 21 no sala 76 totál osan $2.409.512,03.

Nune’e mós, hosi munisípiu Covalima eskola no 15 sala 49 totál osan $1.612.455,32, Dili eskola 16 no sala 64 totál osan $1.680.680,12, Ermera eskola 18 no sala 63 totál osan $1.808.614,22, Lautém eskola 16 no sala 57 ho totál osan $1.702.312,60, Liquiçá eskola 12 no sala 40 ho totál osan $1.118.377,56.

Enkuantu, iha munisípiu Manatuto eskola sia no sala 29 ho totál osan $770.195,80, Manufahi eskola 15 no sala 46 ho totál osan 1.685.752,39 no Viqueque eskola 17 no sala 48 ho totál osan 1.668.575,18.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here