Pesoal mediku sira iha Centru Saude komoro kontinua halo atendementu ba komunidade sira neebe ba simu Vasina AstraZeneca hodi protesean husi virus Covid 19, kuarta 10/11/2021.Imajen Tatoli/Antonio Goncalves

DILI, 10 novembru   2021 (TATOLI)—Sala Situasaun, Sentru Integradu Jestaun Krize (CIGC, sigla portugés) relata, ohin,  kazu detetadu foun na’in tolu, rekuperadu  laiha, no kazu ativu 13.

”Kazu detetadu foun ohin tolu,iha Dili na’in rua munisipiu Baucau na’in ida,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu kuarta  ne’e.

Nune’e, hahú 21 marsu 2020 to’o 10 novembru 2021 iha kumulativu kazu konfirmadu 19.807 no óbitu 122.

Hosi horisehik mai ohin, Laboratóriu Nasionál Saúde halo teste PCR 21, kompostu vijilánsia sentinela laiha, rastreiu ba kontaku laiha, rastreiu aleatóriu 12, viájen internasionál na’in-sia , follow up iha kuarentena na’in laiha.

Alende ne’e, totál teste PCR ne’ebé halo iha 9 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 147, hanesan Maubisse tolu Maliana 11, Viqueque ualu, Suai neen, Baucau 54, Ermera la iha, RAEOA ida, HNGV  55, Lautém sia, Vera Cruz  la iha.

Populasaun elijível tinan 18 ba leten, ne’ebé simu ona vasina to’o iha loron 10 novembru , tuir sistema informasaun Saúde iha Ministériu Saúde, hanesan kumulativu 1ª doze iha Dili (83,4%) no kumulativu 2ª doze iha Dili (74,2%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 76,4% no simu ona doze daruak 51,0%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante, enkuantu ba deit munisípiu Dili 0,6/100 mil abitante.

Iha loron 10 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-rua, moderadu la iha no kaman na’in-rua.

Notísia Relevante: COVID-19: pozitivu lima no kazu ativu 10

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here