Estudante Escola Maria Auxiliadora Comoro Dili tinan 12-17 forma hodi simu Vasina PfiZer Covid-19 husi Pesoal mediku sira husi ministeriu saude, tersa 9/11/2021.Imajen Tatoli/Antonio Goncalves

DILI, 9 novembru 2021 (TATOLI)—Sala Situasaun, Sentru Integradu Jestaun Krize (CIGC, sigla Portugés) relata, ohin (09/11),  kazu detetadu foun na’in lima, rekuperadu laiha, no kazu ativu 10.

”Kazu detetadu foun ohin lima, iha Dili na’in haat munisipiu Covalima ida,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, tersa  ne’e.

Notísia Relevante: Vasina Pfizer doze dahuluk atinje ona 3.8%

Nune’e, hahú 21 marsu 2020 to’o 9 novembru 2021 iha kumulativu kazu konfirmadu 19.804 no óbitu 122.

Hosi horisehik mai ohin, Laboratóriu Nasionál Saúde halo teste PCR 114, kompostu vijilánsia sentinela la iha, rastreiu ba kontaku ida, rastreiu aleatóriu 56, viájen internasionál na’in-29 , follow up iha kuarentena na’in 28.

Alende ne’e, totál teste PCR ne’ebé halo iha 8 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 212, hanesan Maubisse rua, Maliana 10, Viqueque neen, Suai 17, Baucau 93, Ermera la iha, RAEOA la iha, HNGV  78, Lautém neen, Vera Cruz  la iha.

Populasaun elijível tinan 18 ba leten, ne’ebé simu ona vasina to’o iha loron 9 novembru , tuir sistema informasaun Saúde iha Ministériu Saúde, hanesan kumulativu 1ª doze iha Dili (83,2%) no kumulativu 2ª doze iha Dili (74,1%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 75,9% no simu ona doze daruak 50,3%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante, enkuantu ba deit munisípiu Dili 0,5/100 mil abitante.

Iha loron 9 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-rua, moderadu la iha no kaman na’in-rua.

Notísia Relevante: COVID-19: kazu detetadu foun laiha no ativu lima

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here