Vítima dezastre naturál iha Manleuana, tersa (07/09). Imajen TATOLI/Francisco Sony

DILI, 09 novembru 2021 (TATOLI)– Governu liuhosi Sekretária Estadu Terras no Proriedade (SETP), halo  identikasaun no prepara ona rai ektare 12 atu konstrui sentru akollamentu multifunsaun ba vítima dezastre naturál iha 4 abríl.

“Ita prepara tiha ona fatin tolu Tibar, Beduku no Perumnas, nuudar fatin alternativu hodi konstrui sentru akollamentu mutifunsaun atu iha futuru bele akumula vítima inundasaun sira,” Sekretáriu Estadu Terras no Propriedade (SETP, Mario Ximenes, ba Agência TATOLI, iha knaar fatin-Colmera, tersa ne’e.

Notísia Relevante: Lona sai mahon ba vítima inundasaun iha Manleuana hahú nakles

Rai ektare 12 ne’e kompostu iha Beduku no Perumnas hamutuk etare neen no iha Tibar mós ektare neen.

“Rai ne’ebé maka ita oferese ne’e komunidade sira la hela no rai Estadu nian ne’ebé atu halo konstruisaun laiha problema,” Governante ne’e promote.

Ministériu Planu no Ordenamentu (MPO) halo ona enkontru tékniku ho Ministeriu Administrasaun Estatál (MAE), Sekretária Estadu Protesaun Sivil (SEPS), Sekretária Estadu Ambiente (SEA) no Sekretária Estadu Terras no Propriedade (SEPT)) atu konstrui sentru akollamentu multifunasaun ba vítima dezastre naturál sira.

Nune’e, nia dehan, daudaun ekipa tékniku hosi  MPO no MAE hahú halo estudu viabilidade, ne’ebé espera bele aseliera projetu ne’e.

“Ami só oferese de’it rai, maibé atu halo konstrusaun ne’e kompeténsia Ministériu Planu no Ordenamentu no Ministériu Administrasaun Estatál nian,” nia subliña

Uma-kain ne’ebé vítima dezastre naturál hamutuk 135 kontinua hela iha sentru akollamentu iha kapitál Dili.

Hosi totál 135 hela iha sentru akollamentu Dom Bosco Comoro hamutuk uma kain 35, Kapela Hera hamutuk 11, Manleuna 44 no Metiaut 37.  

Hafoin inundasaun iha loron 04 abríl 2021, ema hamutuk na’in-34 mak mate no na’in-14 maka lakon iha nivél nasionál, família hamutuk 30.322 maka afeta ba inundasaun, ne’ebé entre família sira ne’e, família 24.816 hosi munisípiu Dili no uma hamutuk 4.231 mak hetan estragu totál.

Notísia Relevante: SEPS apoia lona foun-alimentár ba família vítima inundasaun 135

Jornalista : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here