Prezidente Fundasaun Aquito Tanque da Guerra, Lourenco Jose Cabral “Tanque da Guerra”. Imajen TATOLI/Egas Cristóvão.

DILI, 08 novembru 2021 (TATOLI)—Fundasaun Aquito Tanque da Guerra (FATG), segunda (08/11) ne’e realiza semináriu hodi komemora loron masakre Santa Cruz ba dala-XXX ho tema “Hatutan no haburas valór juventude loriku asswa’in nia patriotizmu no nasionalizmu ba prosesu konstrusaun Estadu”.

Notísia Relevante: Governu aloka $21.000 komemora masakre Santa Kruz 12 Novembru

Prezidente Fundasaun Aquito Tanque da Guerra (FATG), Lourenço Jose Cabrál, hateten objetivu hosi semináriu ne’e atu responde ba 12 Novembru ne’ebé juventude lorico asswa’in no estudante sira mate iha iha igreja Motael no mate iha Masakre Santa Cruz 12 novembru 1991 iha Semitériu Santa Cruz hanesan lisaun id aba jerasaun foun sira atu aprende.

“Juvenude sira-ne’ebé mate iha Igreja Motael no Santa Cruz ne’e hanesan lisaun ida ba estudante no jerasaun foun sira atu aprende no motiva estudante sira atu sai hanesan éroi,” Lourenço Jose Cabrál hateten ba jornalista sira iha resintu FATG, Comoro, Dili, segunda ne’e.

Prezidente Fundasaun Aquito Tanque da Guerra mós husu ba juventude no estudante sira atu banati tuir estudante no juventude lorico assa’in ne’ebé mate iha Santa Cruz tanba sakrifika an ba Timor-Leste nia ukun rasik an.

Prezidente Fundasaun Aquito Tanque da Guerra, Lourenco Jose Cabral “Tanque da Guerra”, no Prezidente Komité 12 Novembru, Gregorio Saldanha. Imajen TATOLI/Egas Cristóvão.

“Ha’u husu ba estudante sira atu banati tuir juventude loriku asswa’in sira-ne’ebé mate mohu tanba nasaun ne’e no labele aprende buat ne’ebé la merese atu aprende hodi halo violénsia. Maibé, tenke aprende buat ne’ebé sai nesesidade ba Nnasaun ne’e nian, liu-liu kria unidade nasionál ba juventude sira atu kontribui,” nia dehan.

Prezidente Komité 12 Novembru, Gregorio Saldanha, hateten bainhira komemora 12 novembru halo ema hanoin hetan fali luta iha situasaun defisil ne’ebé juventude sira uluk halo to’o sira mate, hodi luta ba independénsia.

“Ita atu hanoin sirania mate, entaun ita tenke halo tuir iha itania moris loroloron nian atu dezenvolvimentu ne’e la’o, ho ema ne’ebé servisu seriu iha determinasaun no dixiplina, nune’e dezenvolvimentu la’o lalais. Se ita servisu karik servisu ho lolos no eskola karik tenke estuda, ho nune’e buat hotu la’o tuir saida mak uluk sira-ne’ebé halo ona to’o sira mate, atu ita fó valór ba sirania luta,” nia esplika.

Notísia Relevante: Sé Mak Responsabiliza? Xanana Gusmão!

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here