Sobrevivente Masakre 12 Novembru 1991, Sergio Marques ‘Amali’ tr hela iha semitériu Santa Crus bainhira militár Indonézia tiru namanas jvende lorico asswa’in ne’ebé halo manifestasaun iha tempu ne’ebá. Imajen/Espesiál

DILI, 07 novembru 2021 (TATOLI)—Prezidente Komité 12 novembru, Grigorio Saldanha hateten, iha ámbitu ukun-rasik Sobrevivente 12 novembru nia kontribuisaun hodi prenxe ukun rasik an mak kontinua valoriza luta ne’ebé uluk halo ona.

Nia dehan, valór luta ne’ebé Komité 12 Novembru halo mak pratikamente hamutuk ho juventude no enkoraja sira oinsá mak bele partisipa iha dezenvolvimentu nasionál iha área ida-idak ninian.

Notísia Relevante: Masakre 12 Novembru 1991: sobrevivente simu subsídiu ne’e realistiku

“Ita-nia kontribuisaun mak iha momentu balun hanesan loron komemorasaun 12 novembru, ita fahe esperiénsia Masakre Santa Kruz nian ba foinsa’e sira hodi motiva sira-nia espíritu hodi dezenvolve ita-nia rain. Tanba, buat sira ne’e hotu sai hanesan forsa ida atu fó valór ba luta na’in sira-ne’ebé mak uluk halo liu tiha ona,” Gregório Saldanha hateten ba Agência Tatoli, iha auditóriu Arkivu Muzéu Rezisténsia Timor-Leste (AMRT), Dili, sábadu ne’e.

Komité 12 Novembru kontinua valorize luta ne’e liuhosi fahe esperiénsia ba foinsa’e sira, tanba hotu-hotu hatene katak joven uluk buat hotu iha limitasaun maibé esforsu hotu bele determina destinu nasaun nian, nune’e foinsa’e sira agora nian servisu mak tenke hanoin fali ba dezenvolvimentu rai ida-ne’e nian, tanba sidadaun hotu-hotu iha obrigasaun atu kontribui nafatin.

“Ami-nia eziste kontinua kontribui ba Estadu liuhosi estabilidade ba rai ida-ne’e, eduka ita-nia foinsa’e sira. Ida-ne’e mós kontribuisaun ida, prepara ema sai doutór, enjineiru, padre, madre, polísia no seluk tán. Ida-ne’e hatudu katak ami-nia ema iha área hotu-hotu,” nia hateten.

Notísia Relevante: Gregorio Saldanha husu Governu apoiu saudozu Sebastião Gomes nia inan-aman

Komité 12 Novembru ne’e instituisaun kiik maibé nia ema-ne’ebé atu kontribui ba dezenvolvimentu ne’e barak.

Tanba ne’e, nia apela ba foinsa’e sira liu-liu estudante sira atu estda makaas no juventude hirak ne’ebé servisu ona karik, tenke servisu ho loloos hodi kontribui no garante dezemvolvimentu iha Timor-Leste ne’e bele la’’o ho di’ak.

“Ha’u-nia mensajen ba foinsa’e mak estudante karik estuda makaas, servisu-na’in karik tenke servisu makaas ho loloos, atu ita hotu-hotu garante dezenvolvimentu la’o di’ak tenke garante estabilidade nasaun nian liuhosi evita konflitu no violénsia,” nia apela.

Notísia Relevante: Amali: “Kalma no Auguenta Oituan Ba!”

Jornalista : Arminda Fonseca

Editór : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here