Komunidade kontinua simu vasina iha Sentru Saúde sira, segunda (30/08/21). Imajen Tatoli/António Gonçalves.

DILI, 07 novembru 2021 (TATOLI)—Sala Situasaun, Sentru Integradu Jestaun Krize (CIGC, siglá portugés), domingu ne’e relata kazu ativu lima (2), pozitivu no rekoperadu laiha ka zero (0).

Notísia Relevante: COVID-19: pozitivu foun haat no rekuperadu sia  

“Númeru kazu detetadu foun laiha (taxa pozitividade 0%). Total kazu rekuperadu laiha. Ema ne’ebé halo tratamentu ospitalizadu na’inhaat (moderadu ida, leve na’intolu) no óbitu laiha,” Koordenadór ForsaTarefa ba Prevensaun no Mitigasaun, Rui Maria de Araújo, hateten liuhosi komunikadu ne’ebé Agência Tatoli asesu.

Hosi ida-ne’e, noa imprensa ne’e hakuirm, iha munisípiu 10 ho RAEOA laiha ona kazu ativu no munisípiu tolu sei iha kazu esporádiku no kobertura vasina kompletu doze daruak iha nivél nasional foin atinji 49,5%,”

Hosi loron 21 marsu 2020 to’o 07 novembru 2021, Ministériu Saúde rejista kazu konfirmadu komulativu hamutuk 19.799.

Ho nune’e, hosi sabádu (06/11) to’o 07 novembru 2021, Laboratóriu Nasionál Saúde halo teste PCR 37, hanesan vijilánsia sentinela 0, rastreiu ba kontaktu (Contact tracing) 0, rastreiu aleatóriu (Random Screening) 15, viajen internasionál 18 no follow up iha quarentena haat (4).

Total testes PCR ne’ebé halo iha sabádu (06/11) ne’e, iha munisípiu sira seluk, REAOA no  HNGV hamutuk 89 ho detallu hanesan Baucau 18, Ermera 0, Maliana sia (9), Maubisse rua (2),  RAEOA 10, Suai 0, Viqueque 0, Lospalos 0, HNGV 50 no Vera Cruz 0.

Total teste PCR iha oras 24 ikus 126. Ida-ne’e hatudu taxa pozitividade 0% (iha semana kotuk, 31 outubru taxa pozitividade 0,65%).

Totál populasaun elijível tinan 18 ba leten, to’o ohin dadeer 10h00, iha loron 07 novembru tuir sistema informasaun Saúde iha Ministériu Saúde ho totál kumulativu doze dahuluk iha Díli 82,9 no totál kumulativu doze daruak iha Dili 74,0%.

“Ema-ne’ebé simu ona vasina doze dahuluk iha Timor-Leste hamutuk 75,3% no simu ona doze daruak hamutuk 49,5%,” nia dehan.

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here